ابي افسخ عقد شقتي بعد مرور نص المدة
للاسف سكنت بشقة سيئة من جميع النواحي وما عاد اتقبلها ابد.
كنت مستعجل واضطريت اخذها بسرعة وكنت اول ساكن فيها بس اغلب المشاكل ما طلعت الا مع الوقت.
الماء يقطع بشكل كبير بالعادة حول مرتين اسبوعيًا واليومين الاخيرة اكثر من ٥ مرات وكل مرة يجلس ساعات، الحمام وانتم بكرامة ما فيه شفاط (موجود شكل بس مو موصل للخارج)، الشبابيك تهرب كثير وقت المطر، صوت الدينمو فوق الصالة مزعج جدًا، السكان يتركون زبايلهم داخل العمارة وعند المدخل، وتحت مطاعم ومحلات و٩٠٪ من الوقت ما القى مواقف واضطر اوقف بعيد.
عقدي سنة ويكمل ٦ شهور بنهاية مايو وودي اتخارج منها قبل الدفعة الثانية.
مع العلم اني كلمتهم عن اغلب المشاكل ويتجاهلون وكنت ضاغط نفسي عشان اتحملها لين يخلص عقدي بس جتني فكرة اني احاول معهم نفسخ العقد وافتك.
بس ابي اعرف اذا احد فاهم بالنظام او له تجارب عشان لا اروح اهبد وما اطلع بفايدة