u/Most-Calendarr

احد وده يلعب معي black ops 2 زومبي؟ على البي سي بس اهم شي يكون لعبك كويس

انا مسجل في جامعة وقاعد ادرس صارلي فترة فيها المهم لاحظت انه ناس كثير نفس هذا التعليق تشتكي من الجامعة وانها بفلوس وتبي بس فلوسك وتحاول ترسبك واختباراتها صعبة والي يجيب تحت 20 درجة في الاختبار النهائي يرسب.

للأمانه حسبت انه الجامعة ملاعين جدف صدق ولكن اكتشفت انه الطلاب والطالبات يستاهلون الصراحة الرسوب كمية اهمال ماعمري شفتها بحياتي تقولك ليش انفصل ومعدله تحت 2! معدلك 2 تعرف وش معنى؟ يعني انك انسان مهمل ومستهتر ولا حق دراسة ايضا ايام الاختبارات يوم كنت في قروبات المواد اشوف الكثير منهم بدا يذاكر يوم باقي على الاختبار يوم وكثير منهم يبي يحذف المادة قبل الاختبار النهائي بيوم! طيب وينكم طول الترم؟ وش قاعد تسوي ؟ والفلوس الي اندفعت؟ معقولة 3 شهور ما لقيت ولا يوم فاضي تدرس فيه؟ وشفت قسم بالله عينات منتهيه مشكلة الكثير داخل بعقلية انا دافع فلوس يعني لازم تنجحون بسهوله بدون مجهود يحسب نفسه داخل ثانوية اهليه والكثير يشتكي والمصيبه الكثير معطين لايكات على هل أهمال والاستهتار في البداية كنت اشوف بكبكه ساعة وصياح من كثير طلاب وانه ظلموني ودراما ولكن يوم تسأل يا فلان ذاكرت؟ لا طيب يا فلان كم محاضرة حضرت ؟ ولا وحده طيب سويت شي ؟ لا. ليش عندنا ثقافة الإهمال المرعب هذا؟ ليش ثقافة غياب وتأخير وحذف مواد ورسوب متكرر ؟ ياخي انا موظف ومشغول اغلب اوقاتي وأدرس والحمدلله ولا مادة رسبت فيها ولا مشكلة واجهتني وهنا سؤال دار في راسي هل المشكلة من الجامعة؟ او مننا ؟ لازم نغير ثقافة الدلع والاهمال ونصير ناس اصحاب مسؤولية

شفت منشور قبل شوي واحد يقول انه يبي يتزوج ثانية عمرها صغير وموظفه راتبها كويس وراح تساعده في جزء من مصاريف الزواج 💀 وينها هذي وش الوصفة السرية عشان نلاقي وحده نفس كذا 🤣

السلام عليكم اول موتر شريته كان النترا 2016 شريته جديد على وقتها وكديت الموتر كد مو طبيعي ولكن محافظ عليه الممشى 200 الف فقط مع انه عمر السيارة 10 سنوات والحمدلله اموره طيب. الحين كشخص جديد في عالم السيارات وش الامور الي لازم تنتبه لها عشان ما تطيح في مواقف جد****اً**** سيئة**** وغبيه**** ومنشوري**** هذا**** للناس**** الجديدة**** اما**** المحترفين**** والخبراء**** مايحتاجون**** هل**** منشو********ر .
المهم السيارة فيها شغلتين قطع استهلاكية تتغير كل فترة وسوائل استهلاكية تتغير كل فترة ولكل قطعة لها عمر معين وتنتهي كمثال السوائل عندنا

زيت الفرامل 40 الف او 60 كيلو

زيت الماكينة يتغير كل 5 الف كيلو او 10 على حسب نوع الزيت وافضل زيت 10 الف كيلو احسن واريح للماكينة ويعطي وقت اطول

زيت القير كل 40 او 60 الف كيلو كحد اقصى واذا صار اسود كامل انتبه تغيره دفعة وحده! ولا في احتمال القير يخبط غيره على دفعات

مياه ريديتر التبريد مياه التبريد الافضل تعرف النوع الخاص في سيارتك وفي لونين احمر واخضر

مياه المساحات هذي غير مهمة ولكن غيرها بمويه حلوه انتبه تحط مويه مالح لانها راح تسد الفتحات

نروح للقطع الاستهلاكية وهي الاغث

الفحمات الي هي الفرامل

سير الماكينة

البواجي

القطع الي تحت السيارة نفس جلد المقصات وغيرها

المساعدات كل 60 الف او 100 الف وعلى حسب نوع وقوة تحمل المساعد للسيارة

فلتر الهواء الخاص في الماكينة كل ما تغير الزيت مرتين

فلتر المكيف اذا بديت تشم روائح والتبريد انخفض شوي

البطارية اذا بدت تضعف راح تعطيك مؤشرات ضعفها

الكفرات تعطيك من 50 الى 80 الف كحد اقصى وانتبه تستهبل فيها لانه راح تسبب لكوارث هي والفحمات

هذي ابرز واهم الامور عندك امور ثانية نفس كرسي القير والماكينة وغيرها ولكن هذي تتغير وقت ما تضعف وتسمع صوت يوم تحط السيارة على R

الحين مطلوب منك انك تجيب ورقة وتسجل كل هل معلومات وتشيك عليها كل فترة عشان تعرف وين المشكلة واخطر شي من بين كل هل قطع هي زيت الماكينة اى استهتار فيه او كسل او اهمال تاكد انه عمر السيارة والماكينة راح تسلم عليه بدري

كل واحد يورينا الشوز حقه وبعطيه تصنيف من عندي على حسب ذوقه للشوز

صارلي شهرين السكر ما طب بفمي طبعا لا اقولكم كيف البشرة صارت صافية بكامل جسمي** وجهي وظهري وكل شي ولكن صار عندي مشكلتين الاولى النشاط الله وكيلك يالله الواحد بحس نشيط طول اليوم اثنين النفسية في انحدااار ↙️↙️ سوي*ت كل شي مم*كن يعدل النفسية مافي فاي**دة

كل واحد يورينا احلى لقطة له داخل اللعبة مصورها وانا راح اقيمه من عشرة خلينا نشوف إبداعاتك في التصوير سواء بتصور مكان او بيت بنيته او اى شي حلو

بالواقع انا كنت انسان ممل الصراحة ما العب غير لعبة لو لعبتين بس يا كود او ليق اوف ليجندز لو هيرث ستون وار وراد كرفت وهل الشي بعد كم سنة خلى الشغف والحماس يموت عندي بسبب التكرار الملل القاتل ما كنت اعطي فرصة حق العاب ثانية وكان خلقي ضيق مرة لاني تعودت على العاب المنافسة والي القيم فيها سريع مره وحماس ودوبامين عالي المهم وصلت مرحلة صرت خلاص اشغل البي سي العب ابو كم قيم وقفل ولكن في يوم من الايام كنت طفشان ولفتت نظري لعبة وعجبني شكلها وقلت ليش ما العب واجرب المهم اول ما لعبت اللعبة جاني نوم وطفشت بشكل فضيع لاني متعود على شغل العب بسرعة ونافس الناس اما العاب طور القصة العاب الرتم حقها ميت لازم تعليمات اول شي بعدين تتعود على طريقة التحكم والعب وانا مالي خلق كل شوي متعلم على شي جديد ولكن هل مرة قلت لا خلاص بضغط على نفسي واصبر المهم بس عديت اول مرحلة وخلصت التعليمات صارت اللعبة حلوة بشكل مو طبيعي واكشتفت انه في العاب كثيرة جداً** نحكم عليها ونظلمها بمجرد بداية فقط ممله او تعليمات والحمدلله من وقتها وانا صرت انوع والعب العاب كثيرة وكل لعبة تعطيني جوها وعالمها والافكار والاحساس الفايب الي تبي تعطيني ياه وصرت انوع اخلص من لعبة اكشن اروح للعبة رعب وكذا ومرات انوع والعب والعاب سباقات والصراحة ماعاد صار يجيني ملل واحس بحماس وشغف اكبر بسبب عنصر الاكتشاف الي ودك تكتشف كل شوي شي جديد في اللعبة او في العالم الي راح تدخله جديد وبس والمعذرة لو في اخطاء بالكتابة قاعد اكتب بسرع**ة

توني رحت اجيب قهوة من مقهى نفس نظام المقاهي الي واجهة وتاخذ القهوة مباشرة يعني مافي محلي المهم في واحد طلب قبلي واخذ القهوة وشكله مسوي زاحف المهم ركب السيارة وكب على نفسه القهوة بعدين طلع من السيارة وطلب مناديل من العامل وانا كنت اناظر فيه وفي الكتالوج حق المقهى المهم رمى كلمة لكن ما استوعبتها الا يوم مشى كنت احسبه يكلم خوييه الي معه بس طلع يقصدني قال وش رأيك تركب السيارة معي وتتفرج بعد المهم القهر اني ما استوعبت الا لين راح واضح الاستوعاب عندي مضروب 🤣 اوف لو اني استوعبت كلامه قبل لا يروح كان قسم بالله مسحت في ارضية المكان بس عوافي واضح احتاج حبوب تركيز

السلام عليكم يا اخوان انا ضايع من ناحية تمارين المقاومة وش افضل تمارين اسويها بشكل اسبوعي ؟ هل احد عنده مقطع او نصايح؟ لاني يوم كنت ابحث لقيت تمارين صعبة جداً** وتضغط على الظهر ومنها السه**ل

السلام عليكم راح احط قصتي لربما احد ممكن يتحمس ويبدا بالواقع انا كان وزني زمان 60 كيلو كانت اموري تمام وجسمي متناسق وحلو ولكن مع ضغوطات الحياة والصدمات الي مريت فيها والاذى الي تعرضت له دخلت بحالة اكتئاب لمدة 4 سنوات بالوقت هذا وصل وزني من 60 الى 90 بدأت تطلع علي علامات مقاومة الانسولين نفس السواد في الرقبة واسفل الظهر وغيرها من اعراض وفهمت انه هنا لازم الحق على نفسي ولا بدخل في امراض المهم بدأت رحلتي وكانت اللياقة شبه معدومه امشي على سير بسرعة 4 يقوم صدري يوجعني وانكتم من التعب ولكن استمريت شهر واكتسبت لياقة وصرت يوميا اروح النادي تمارين HIIT كل يومين والباقي كارديو كنت احرق باليوم 1000 الى 700 سعرة المهم بعدها عدلت اكلي ولله الحمد قطعت السكر وصرت على صدور الدجاج وشوي رز عشان الشبع والفطور بيضة مقلية بزيت الافوكادو وتوست حبة بر وفي المساء عشاء بسيط جبن وبيضة مسلوقة او سردين اكله مرتين في الاسبوع عشان الاومقا والان الحمدلله وزني نزل جسمي صار معضل وزين صحتي احسن ونشاطي واختفت مقاومة الانسولين تماما ولكن تحتاج صبر وحرمان وضغط نفسي شديد