محدش هيشوفك لو مش معاك فلوس
انا اهلي الحمد لله ناس كويسين بس دي حاجة شوفتها ولقيتها حواليا عند ناس كتير، حرفياً معاملة اهلك ليك لو انت بتساهم في البيت بفلوس او معاك تصرف علي نفسك وتستقل مختلفة ١٨٠ درجة عن لو مش معاك او انك مش شغال خصوصاً لو سنك فوق العشرين ، لو انت مش بتساهم بفلوس محدش هيشوفك ولا هياخد برأيك في المواضيع الكبيرة الا نادرا وده مش لانهم وحشين او استغلالين انما ببساطة علشان نظرتهم ليك بتختلف والفلوس هي الحاجة اللي هتثبت ليهم انك كبرت وبقيت راجل غير كده انت عيل لسه ، ده غير ان القعدة من غير ما تكون بتساهم في البيت وانت كبير عبارة عن يوم طويل من الكلام اللي يتعب نفسيتك سواء بقصد او من غير وكونك قادر انك قادر في اي لحظة تستقل بنفسك بيفرق في نظرتهم ليك ومش بيشوفوك طفل محتاج حد يحميك دائما ، فلو في حاجة انا هعملها او انصح اي حد يعملها هي انه يجرب اي حاجة يقدر من خلالها انه يجيب مصاريفه