Review
هاي... أنا صاحبة البوست دا
https://www.reddit.com/r/ExEgyptDating/s/jXXnvnZ6qL
في الشهر دا أنا كلمت كذا حد طبعاً، ونزلت ديتس مع شخصين فدول اللي هركز عليهم. أول شخص كان كويس والدنيا تمام، بس كان مش مدي فرصة نتعرف أصلاً، مكنش بيتكلم كتير، وفي الآخر بطل يتكلم ولما اقوله في ايه يقولي أصل مشغول في كذا أو كذا. لحد ما جبتهاله على بلاطة وقولتله أنت مش عاوز تكمل بس مكسوف تقول؟ فقالي اه. قولتله تمام مفيش مشكلة وخلاص.
تاني واحد دا مقلب حياتي، اتكلم عن قد ايه نزل ديتس وحشة كتير والدنيا مش ظابطة معاه في الموضوع دا خالص وأنه عاوز واحدة كويسة وأهلها كويسين وكل الكلام الجميل دا، ونزلنا ديتس وكان في كلام على خطوة رسمي. إذ فجأة يا ملحد بنتكلم عادي والكلام يعتبر اتقفل وانا قمت أعمل حاجة، الاقي "انتي فين؟ بتعملي ايه؟ مطنشاني ولا ايه؟" في مدة 5 دقايق، بعدها سكوت، وبعدها حاولت أكلمه ميردش، أبعتله ڤويس طب أنت بتتلكك طب في ايه؟، يقولي أنتي بتتكلمي كدا ليه وأنا ساكت مش هتكلم. طبعاً دا يا إما بيتلكك، يا إما في حاجة عضته في التوتة والسم وصل للفرونتال لوب غير شخصيته 180 درجة.
الدروس المستفادة بالنسبالي بقى إن الناس ع النت وحشة على رأي ماما، وإن الناس مش عارفة مالها عموماً بس الحاجات الطبيعية جدا اللي أنا عاوزاها طلعت مش موجودة.
نصيحة ليكم انتو بقى: متحكوموش على حد من كلامه ومن هو كان بيعمل ايه مع الناس اللي قبلكم، وامشوا ورا احساسكم، امشوا ورا احساسكم، امشوا ورا احساسكم عشان بيطلع هو الصح في الآخر.