u/Longjumping-Way-3854

Tum

Tumhare chehre ki taabish mein chand jaisa noor hai,

Tumhari muskurahat jaise subh ki pehli kiran ka suroor hai.

Siyah zulfen tumhari, jaise koi behta aabshaar ho,

Main pyaasa bhatakta hoon, jaise tum hi meri qaraar ho.

Wahi aabshaar-e-zulf ab mere liye ik jaal hai,

Wahi noor-e-chehra ab meri maut ka sawaal hai.

Main bhatakta raha teri galiyon mein ik umr magar,

Ab thak kar so gaya hoon, yehi mera haal-e-malaal hai.

Ab Tumhare aks ko dil mein basa kar, mene khud ko mita liya,

Isi pyaas ke kasht mein, maut ka zeher mila liya.

Rafta-rafta meri saansein, teri yaadon mein fanaa huin,

Humne thak kar ab andheri qabr mein bistar laga liya.

Ab mere dil ko khane aaye hain mitti ke ye keede,

Magar har nivala unhe teri mohabbat ka sukoon de raha hai.

Mere lahu mein ghula hai, tere aks ka wo zaika,

Ke unko ab mujh mein sirf tera hi suroor mil raha hai.

Bas yehi meri dastaan thi, yehi mera ikhtitaam hai,

Main khatam hua, par mera ishq unke liye ek inaam hai.