u/Kh-aled

عندي واحد التساؤل فراسي من ديما، وهو علاش حنا المغاربة فأغلب الأحيان كنقصوا من بعضياتنا سواءا المواطنين بعضياتنا او المؤسسات مع المواطنين، مثلا فالمعاملة بين المواطن و خوه، فمراكش كنت باغي ناخذ واحد العصير و قدامي كانوا بعض الݣور، السيد مول العصير كيضحك و يبتاسم و يحاول يضحك دوك الناس بواحد لونغلي مخلطة بالفرونسي، فاش جات نوبتي السيد حلل وجهي عرفني مغريبي فالبلاصة طاحت الابتسامة و تحولات لتخنزيرة.

وواحد المقارنة مثلا المعاملة دالمؤسسات مثلا فأمريكا او اي دولة كتقدر المواطن ديالها، عمرها تسبق الاجنبي على الامريكي، فدولة تقدر تنوض قربالة على مواطن ديالها تعدى عليه شي حد فدولة اخرى بينما نحن فقط نقول "الماريكان امعلم"

مع كامل الاحترام للناس و المؤسسات