u/JessePinkman-acc2

لسة شايف واحد قاعد عالأرض ماسك ايفون 8 وبيسكرول فيديوهات تيكتوك بإيد ومادد الايد التانية كدا 🫴🏻 بيشحت بيها

الراجل دا هو التجسيد الفعلي لمصطلح بايونير.. سافر يدرس فيلد ماكانش حد يعرفه وقتها في مصر تقريبًا غيره ورجع عمل أول لاب ريسيرش في الفيلد دا في المنطقة وطلع منه باحثين كتير غالبًا ماكانوش هيتخصصوا في العلم دا ولو اتخصصوا ماكانوش حيلقوا اللي يوجههم حتى طلبة المدارس الصغيرين اللي راحو هناك حبوا الفيلد وبقوا عايزين يدخلوا القسم دا علشانه. وانهاردة بينشر له بحث في أكبر مجلة علمية في العالم وماشفناش البرامج اللي بتستضيف أي نجم صف تاني بيعمل دور كومبارس بعد أي مسلسل بتستضيفه. انا كان عندي في الجامعة بروفيسور شبه دكتور هشام سلام كدا في رحلته سافر برة ياخد دكتوراة من حوالي 22 سنة في مجال ماكانش حد بيسمع عنه وقتها ولا في مصر ولا برة مصر حتى ومن وقت ما رجع وهو بينشر ابحاث وبيحاول يعمل لاب مختص في الفيلد بس كلها مجهودات فردية ماتنبنيش حاجة. تخيلوا لو مصر اختارت 100 بايونير شبه الاتنين دول دا في كل مجال - وانا متأكد ان البايونيرز في مصر عددهم أكتر من كدا بكتير - هننبقي فين؟ طب لو اتصرفت عليهم الفلوس اللي اتصرفت على مسلسل ميد تيرم مش كان حيبقى أفيد للبلد؟ طب الاتنين دول كان عندهم صبر وطولة بال يشتغلوا في بيئة الجامعات الحكومية اللي عبارة عن لاشي حرفياً وتخلي أي حد يكره العلم ويكره حاجة اسمها ريسيرش .. يا ترى في كام غيرهم اتخنق وماكملش وسافر برة؟ اسئلة كتير مالهاش إجابة وفي الآخر بنرجع نقول هي مصر ليه في المكان دا