u/Jazzlike-Respond-871

الناس بتسألني اتغيرتي ازاي وانا مش بعرف ارد مع إنها قصة مليانة بالمعجزات

القصة تبدأ وانا كنت في تالتة اعدادي لما ماما رجعلها المرض النفسي بقوة والهوس بالأغاني زاد وكانت بتغني ٢٤ ساعة وده كان بيحصل زمان بس مكنتش واعية ومكنش بيضايقني وكنت فاكرها حاجة عادية عشان كنت صغيرة إلا المرادي كانت قاعدة تلات شهور حابسة نفسها في الاوضة بتغني ومكنتش تبطل غير للضرورة القسوة حتى لما صاحبتي جاتلي البيت كانت لسا بتغني وقدام الشغالة اكيد كانت بتغني وده كان ضغط كبير عليا وكنت اهرب من الواقع من خلال الاغاني والروايات والأنمي والمسلسلات حرفيا كنت بقعد على التلفون ١٦ ساعة يوميا بس الحمدلله كنت منتظمة على الصلاة ما بفوتش فرض وكل شوية يجيلي فيديو ديني وأسكب وفي يوم رجعت البيت زهقت كنت حاسة نفسي مش عارفة حاجة مش فاهمة حاجة في الحياة غبية اوي ودعيت ربنا انه يعلمني ويهديني وتوبت عن تضييع الوقت وقولت اني هستغل وقتي اني أتعلم عن ديني ودعيت ربنا يهدي ماما ويعافيها أنا فاكرة الموقف عشان كان صوتها وهي بتغني مسموع وانا بصلي

 وحرفيا بطلت بعد شهر من اليوم ده وقالت أنا مش هغني تاني وتبرعت بكل ما تملك ومعرفناش غير بعد سنة تقريبا وكانت بتحاول تبقى سوية متسيبش نفسها لافكارها بس لسة كانت محتاجة علاج واقنعناها أنا واخواتي تكلم الدكتور وبعد تلات شهور من تغييرات بسيطة لبست جيبة وبنصح اخواتي واشتريت عباية واحدة دعيت ربنا إننا عايزة البس النقاب وبفكر يا سلام لو ماما لبسته الأول عشان أتشجع ومتبقاش ضدي وبعدين لقيت ماما بتسكرول بتتفرج على نقابات على الفيسبوك وابتساماتلها وشجعتها وكده وقلبي بيطير حرفيا وبعد أسبوعين لقينا ماما راجعة من برا لابساه واليوم ده كنا عايزين نخرج مع بنت خالتي بس برده كان فيه معجزة ماما مكانش عندها فلوس كفاية غير لنقاب واحد تمام وهي كانت عاوزة تشتري طرحة معاه فالست قالتلها مفيش مشكلة وساعدتها في لفة الخمار وإيدتها نقاب اسود وجلوفز هدية روحت أنا لما شوفته على طول اخدته منها وحطيته وقولتلها مش هقلعه راحت قالت مينفعش أقولك لا ونزلت بيه في نفس اليوم

بعدين كنت بفكر يا سلام بقى لو نزلت دار واتعلمتلي شوية حاجات راحت بنت خالتي بعتالنا دار نروحه دروس للبنات بس تفسير سورة البقرة بس كان صعب لينا نروحه ورحناه مرات قليلة بعديننن محفظة القرآن القديمة بتاعتي وهي أصلا فكراني مش محجبة بعتت لماما دورة لسننا تلات شهور بداية في العقيدة والسيرة والفقه وبعدين اختي التوأم لبست النقاب وبعدين ماما جالهة باب طلب العلم في دار وبقيت بتروحه وقالت للمعلمة هناك عننا وبقينا نروح احنا كمان في الويك اند وبعدين اختي الكبيرة لبست النقاب هي كمان واحنا قبل كده كنا عيلة مشتتة مش بنجتمع على الأكل حتى الحمدلله اكيد قابلتنا صعاب مذكرتهاش وانا مكنتش احسن حاجة في مواقف كتيرة بس سبحان الله وبحمده ودايما بفتكر ربنا رزقني بماما لما بقرأ ألم يجدك يتيما فآوى عشان أنا كنت حاسة اني يتيمة الأبوين بابا مسافر معظم حياتي وماما كإن عقلها مش موجود الحمدلله ربنا يغفرلي الحمدلله الحمدلله بسرد القصة دي عشان افتكر نعمة ربنا عليا واتعظ

These past few weeks I’ve waking up with a heavy feeling on my chest and it used to happen when I had h pylori and I asked my dad and he said he had it too and it stayed with him too. It’s painful too so yeah

Soooo how do I get rid of it?