حياتي ك بنت ترانس
قلت ل ماما اني مش حاسه اني ولد و اني بنت و انا عندي ١٨ سنة ساعتها هي اتفاجئت بالموضوع (مع اني كنت بقعد معاها هي و اخواتي البنات لما كانو بيعملو سويت. في المناسبات زي الافراح و كدا كنت بقعد مع الستات. حرفيا اتربيت زي اخواتي البنات و ده غير شكلي اللي متغيرش بعد البلوغ بل بلعكس )
المهم بعد م قلتلها دخلنا في دوامه من دكاتره نفسيين شايفين ان احناCash grab حلو ل خناقات، ل تسخين اخويا و بابا عليا، ل كل اللي يجي علي بالك.
عرفت ان المشوار ده لازم امشيه لوحدي. و قررت بعد ٥ سنين من مناهده و خناق و وقفان حال. اني اقلهم اني "خفيت" و هما شربو الموضوع. ابتديت استقل عنهم حبه حبه. لحد مبقو يسيبوني في شقت اختي اللي في محافظه تانيه (احنا اصلا من الصعيد) و يسافرو يقعدو هناك. اشتغلت و تابعت مع دكتور و في الفترة دي كنت طولت شعري و بقيت البس unisex و حاليا محدش بيجي في باله اني amab او اتولدت ولد. عملت العمليه و قدمت اني اغير اسمي عالورق. بعد العمليه حسيت باحساس عمري م حسيته قبل كدا. حسيت اني كنت في غيبوبه طول عمري و لسا دلوقتي اللي فايقه منها. كل زمايلي الولاد بتوع الجامعه و المدرسه بقو يعملولي فولو ريكويست و هما اصلا ي كانو بيتنمرو عليا ي كانو متجاهلين وجودي زمان. بقيت حاسه اني اخيرا اقدر انطلق في العالم و ابدء اعيش.
لحد م حصل موقف و اختي صاحبه الشقه عرفت. رد فعلها كان "عادي بس مقعدش في شقتها"
انا عارفه ان كان هيجي يوم و لازم اسيل الشقة دي بس كنت بحاول اااخر اليوم ده او اتفادي انه ييجي.
بفكر اقول ل ماما بس مش حاسه انها فكرة كويسه. ماما اصلا بتكره البنات و خلفتهم و حتي اخواتي البنات كانت بتعاملهم معامله قاسيه و جافه. و بابا زيه زي الكنبه اللي قاعد عليها. انا عارفه اني لو قلت ل ماما اني هخسر جزء كبير من حريتي اذا مكانتش الخساره اكبر من كداا. بس في نفس الوقت مش عايزه اروح ااجر في مكان برا و انا بطولي و كمان لو اتهرش اني بدخن هبقي لبانه ف بق اللي يسوا و اللي ميسواش ده غير ان معظم تعامل الرجاله معايا (من زمان) كنت دايما بحس انهم شايفين اني فريسه او وجبه؟!؟ و دي حاجه كرهتني اكتر في صنف الرجاله. ف انا بجد مش عايزه اعيش لوحدي و انا مليش ضهر! و عارفه ان ماما هي اول واحده هتكسر ضهري!
اختي سألتني اذ كنت فكرت ف توابع العمليه قبل م اعملها و انا بصراحه لا. مفكرتش. كنت عايزه اخلص من القرف اللي كنت فيه ب اي طريقه و مكانش مهم معايا يحصل ايه بعدها. انا غالبا هعزل لوحدي و اشوف حياتي بعيد عن اهلي و اهه تجربه جديده.