u/Impressive-Hippo-717

الصين ما بنت اقتصادها صدفة، بل اشتغلت بخطة ذكية جدًا. في البداية فتحت الباب للأجانب والشركات العالمية، وعطتهم تسهيلات كبيرة عشان يدخلون السوق. لكن الهدف ما كان بس فلوس، الهدف الحقيقي كان يتعلمون منهم: تقنية، إدارة، وطريقة تشغيل المصانع.

الفكرة كانت بسيطة: نتعلم منهم اليوم، ونستغني عنهم بكرة. عشان كذا، كانوا غالبًا يفرضون شراكات مع شركات محلية، بحيث الصينيين يشتغلون معهم جنبًا إلى جنب ويتعلمون كل شيء بالتفصيل. بنفس الوقت، الحكومة كانت تستثمر بقوة في التعليم والتدريب عشان تجهز ناس تقدر تستفيد من هذي الخبرات.

مثال واضح على كذا، المصانع اللي تصنع منتجات لشركات كبيرة مثل أبل. بالبداية كان فيه خبراء أجانب يدربون العمال والمهندسين الصينيين على أعلى مستوى. مع الوقت، الصينيين صاروا يفهمون كل شيء ويشغلون المصانع بنفسهم، بل ويطورونها بعد.

لما وصلوا لهذي المرحلة، صار الاعتماد على الأجانب أقل، وبدأوا يعتمدون على أبناء بلدهم بشكل كامل. وهنا ظهرت شركات صينية قوية تنافس عالميًا، وصار عندهم سوق محلي قوي يعتمد عليهم.

باختصار، الصين استغلت وجود الأجانب كفرصة للتعلم، مو
اعتماد دائم 🦖تعلموا، طبقوا، وبعدها كملوا الطريق بنفسهم

هل نحن قاعدين نتعلم ام نعتمد