u/Heartofgold888

اخر بوست لي كانت الردود حلوه لين جو اللي يقذفون 🤡 الله يبتليكم بانفسكم

مافيه مكان اقدر اكتب فيه براحتي بدون مايجيني هجوم الحمدلله والشكر

اهليين
ترددت كثير لين اكتب هالموضوع ولكن لعله احد يعتبر من القصة هههههه

السالفه صارت قبل ٣ سنوات انضربت على راسي و حبيت شخص بالدوام (don’t shoot me) و عطاني اقرب مخرج اهله مايزوجون من برا قبيلته المهم عدى الوقت واشوفه بوجهي شبه يومي و خذ لك نفسيه بالارض لدرجة فكرت استقيل بعدين قلت ياكل تبن هو اللي يطلع مو انا، صرت اتحاشى الاماكن اللي ممكن يتواجد فيها فترة طويله لين اتجاوز الموضوع.

عرفت انه تزوج طيب، بعدها بكم شهر وش صاررر؟

صار افنت بالدوام كانت مناسبة وطنيه و الموظفين جايبين عوايلهم واشوفه مع زوجته 🤡 يا ارض انشقي وابلعيني…. اقسم بالله المشهد كانه من فلم، ياناس اذني صفرت ماعاد اسمع اقسم بالله ابتلاء اللي صار لي شي ماينوصف

لثواني انا صنمت وهو صنم (اتوقع انه خاف اكلم زوجته) ههههههههه

بفضل الله تجاوزت الموضوع اخذ مني وقت لكن الحمدلله.

اللي يسب ولا يتشمت الله يبتليك مقدما. هذي السالفة صارت لي درس قاسي اتعلم منه و عندي قناعة مافيه شي يصير بدون سبب طلعت من التجربة بدروووس.

عشان كذا يابنات خليك حجر بالدوام اللي يبيك يخطب غير كذا مع الباب.

بنجن، ليش اللي يسوون رموش واظافر يكبون ام عشاهم وهم يشتغلون؟ و ياكثر سوالفهم

وحده سوت لي رموشي اول مره (سعوديه) قالت اللي يسوى واللي مايسوى على حياتها وزوجها و سوالف الزبونات اللي يجونها، وبرضو قريب سويت اظافري عند وحده بغيت اموت ٥ ساعات وانا جالسه (٣ساعات سوالف و ساعتين شغل) مافيه خيار محترم اقول لها اشتغلي وانتي ساكته؟ 😬 وانتبهو يابنات تراهم يسحبون منكم سوالف و نشررررر

المشكله عندي people pleasing اجامل لين ينفجر راسي

غالبا اذا رحت لوحده كذا ماعاد ارجع لها

ياناسس والله اضحك، ادخل اجتماعات مع اجانب و فيهم شي مشترك يمطون بالكلام ويعيدونه لك كذا مره بصياغة مختلفه، ويرمون لك من مصطلحات مزخرفه تحسسك إنهم مخترعين للذرة و اصلا مايحتاج اجتماع بس كذا اسم اننا نشتغل
تعلمت مع الوقت اضيف كلمات زي does that make sense?
والله اشوفهم يهزون روسهم ويكتبون نوت كاني قلت شي وااو وهو مداخلة بسيطه بس مع زخرفه😂

وش الكلمه اللي ماسكه معكم؟