ماسكه ديني علي شعره بجد
البوست ده فضفضه اكتر من اني عايزه حل لاني حاسه مفيش حل.
دلوقتي انا حياتي كلها كنت بعيده عن ربنا. من صغري وانا عندي اكتئاب (اه مش متشخصه للاسف لان اهلي مش بيصدقوا في حاجه زي دي بس كل العلامات بتبين ده). عارفه أن الاكتئاب أو أي حاجه نفسيه مش مبرر بس فعلا انا عمري ما كنت حاسه بأمل في حياتي. دائما كان عندي suicidal thoughts وبالفعل حاولت حوالي ٣ مرات اني امشي نفسي من الدنيا دي وعمري ما نجحت. كنت بعور نفسي و حياتي مكنتش احسن حاجه وعمري بجد ما عرفت ليه لان اهلي مش ناس وحشه كده ف كنت دائما شايفه أنه ابتلاء من ربنا. بحس مش بتوفق في حاجات كتير، معنديش صحاب، حاسه اني مش فارقه في حياه اي حد (لو مت دلوقتي محدش حيهتم). صلاتي كانت يا اما مفيش يا صلاتين ٣ يا مره واحده اقرب جامد لمده اسبوع وبعدين مفيش. القران كذلك ماما كانت عايزاني احفظ وبدأت فعلا بس كنت بعمل كده عشان سوري يعني اسكتهم مش اكتر. حجابي مبقتش عايزاه و مش عايزه اي حاجه بجد خلاص زهقت. بدعي (مش باستمرار) وبرضو مفيش. حفضل حاسه كده لحد امتى؟ حفضل بحاول اخبي اكتئابي عشان اهلي واللي حواليا لحد امتى؟
حاسه ان كل حاجه بقولها دنيويه ودي حاجه بتستفزني لاني مش عايزه الدنيا بس بجد مفيش حاجه نفسي فيها بتحصل. مفيش يعني الشعور اللي جوايا ده مش بيروح. عملت ذنوب خلوات كتير وتبت الحمد لله بس برضو. دائما برجع لنقطه الصفر ده لو طلعت منها اصلا.
مش عايزه أي خرا وحاسه كل حاجه مقفله في وشي
اسافر؟ لازم محرم. اشتغل شغلانه معينه؟ لا معلش أصلها مش بتاعت ستات او حيبقى انت وراجل بس فمش حينفع (على أساس أن مفيش شغلنات كتيره كده) اعمل حاجه؟ لا معلش اصل مينفعش بالحجاب.
مشكلتي اكتر حاجه دلوقتي السفر مثلا. عارفه أن أكبر سبب ممكن اهلي ميوفقوش هو حوار المحرم ده وانا مش مؤمنه (او يعني مش بصدق) بالشيء ده. يعني لو قعدت مكاني مش حتخطف ولا محدش حيتحرش بيا ولا لو مت حد حيلحقني؟ قسم بالله محد حيعمل حاجه لاني عايشه لوحدي معظم الوقت اصلا. بتخنق لما بنزل من البيت بس قعده البيت وحشه. مبقتش طايقه ولا نفسي ولا اهلي ولا صحابي ولا الناس ولا اي قرف ومش قادره خلاص. كوني اني اصغر واحده و اخواتي protective اوي عليا ده خنقني. حتى مش عارفه اعمل خرا على دماغي اي حاجه. فكرت في السجاير بس الريحه وجع دماغ و ده برضو ادمان مش اي هبل وخلاص (مش حنزود ذنوب اكتر هي مش لعبه) فبجد حاسه بخنقه 24/7. اهلي مش حقول متدينين بالعكس مبادئهم صح بس انا اللي مش عارفه اتعامل. بحسي اني كافره حواليهم.
حوار انك محجبه ده وعلى طول الناس مستنيه منك انك تبقي بيرفكت ده بضان اقسم بالله.
مش مبسوطه بجد وخلاص زهقت. في حاجات كتير بس اكترهم ده. الاكتئاب أو الإحساس اللي حساه بقالي سنين ده حيموتني. انا بجد عارفه مش حاسه لا عارفه أن موتي حيكون بسبب حالتي النفسيه
its like i KNOW the day will come sooner or later.