u/Gentle-Whisper_

عند رقم كام مثلا تعتبر الكارما عندي احسن من المعظم او متوسط او فوق المتوسط وكدة

انت عارف انك مبدأيا ففترة مهمة وأهم فترة فحياتك بتعيشها دلوقتي وان مش بإيدك حاجة غير اللحظة الحالية ووراك حاجات دلوقتي وانت بتقرا الكلام دة ومبتعملهاش لأ وكمان سايبها من فترة طويلة ، ومقصر فحق نفسك دراسيا ومهنيا وعاطفيا وحتى نضافتك مقصر فيها ، وبدل ماتقوم تعمل الحاجة المفيدة الي هتحسن من حالتك عموما بتضيع وقت وبتهرب منها بكل الاعذار والطرق ومش عايز تعترف بدة ، بقالك كام يوم بتقول هتعمل ومبتعملش ، انت عارف انك لو استمريت كدة (ودة الي هيحصل غالبا) هتضيع وهتعاني وهتدفع تمن تقصيرك فحق نفسك ، بتعمل فنفسك كدة ليه؟ انت عملت ايه غلط عشان تعمل فنفسك كدة؟ انت عارف انك غلبان وضعيف وغلبان اوي ومتستاهلش من نفسك كدة انت فيك الي مكفيك اصلا ، هل عمرك كنت هتعامل نفسك بالبشاعة دي لو انت مهتم بنفسك فعلا ومتعاطف معاها؟ عمرك ماهتدرك قد ايه انت بتعامل نفسك بفظاعة ومقصر فحق نفسك لغاية ماتتخيل نفسك على انها شخص مختلف ، وانت الي بتعمل فيه كل دة! انت لو بترعى نفسك وتعتني بيها زي مايكون دة شخص مختلف انت بتحبه وعايزله الخير ، عمرك ماكنت هتعمل كدة فنفسك.

من كام شهر كدة الترم الفات معرفش مالي كنت بتجنن تقريبا ، بعتت مسجين لوحدة معايا فالدفعة عاكستها قلتلها فيما معناه انها كيوت واني كل مبشوفها بحسها كيوت وبتاع ، حاجة بضان شبه كدة ، المهم يعني قالتلي انت مين قلتلها اتكلمنا قبل كدة فاليوم الفلاني قالتلي مش فاكرة والحمدلله اني انسحبت بعدها وحافظت على ماتبقى من كرامتي ومبعتتلهاش تاني واتقفل الحوار على كدة ونسيته ، حاليا وصلت لمجموعة من الادراكات عرفتني قد ايه الي انا عملته دة سخيف فشخ ، ومش عارف اتخطى الخرا المحرج الي انا عملته دة الي ميطلعش غير من عيل فإعدادي هيجان وبدأ ينجذب للبنات فبيحاول يفهم فترة البلوغ الي بيمر بيها ، وحاليا عاملين حملة ضد معاكسات ومضايقة البنات وشهروا بيها وبتاع ، فمش عارف بصراحة لو اشتكت عليا وفضحتني هعمل ايه مع ان الموضوع عدى عليه اربع شهور لاني استاهل ضرب الجزم بأمانة وهيتصدر عني فكرة زي الخرا لكل الشباب وخصوصا البنات ، وانا مش كدة خالص حاليا دي كانت لحظة هيجان وعلوقية وجنان مني فالماضي.

عيلة هطلة ومبتفهمش ومقضياها سوشيال ميديا وديتينج ادفايس والهطل دة واحنا اصلا من قرية في الارياف ، رفضت عرسان كتير رجالة ومحترمين وهيصونوها لأسباب فارغة زي الطول والوسامة وطريقة الكلام واللبس وأتفه حاجات تيجي على بالك وبترفض بدري اوي من قبل ماتقابلهم وقبل ماتعرف اي حاجة تانية عنهم او تديهم فرص زي مايكون بتتلكك ، جايلها واحد دلوقتي واصلا مش عايزة تقابله من بعد ماسمعت صوته وطريقة كلامه مع انه مقالش حاجة اصلا ، وحاليا هي على وشك انها تعنس وتعيش حياة كئيبة فارغة وحيدة لآخر العمر وهي اغبى من انها تدرك الشيء دة من كتر انغماسها في السوشيال ميديا الي بيديها اتنشن ومشاعر وهمية بالاكتمال ومفهمها انها كدة صح ، نتصرف ازاي مع دي وازاي نقنعها تعمل الشيء اللي هيحققلها حياة احسن واكثر اكتمالا اذا كانت رافضاه الى هذا الحد. أي آراء مُرَحَّب بيها عمومًا

كل واحد فينا على قد مافيه عيوب وعلى قد مافيه نواقص (شكليا وشخصيا) بتلاقي ان الجيل دة عايزين شريك مثالي ، كثير من البنات عايزين شاب مفهوش غلطة ولو فيه غلطة تبقى صغيرة اوي ، انتشرت فكرة فارس الأحلام ذو الطول الفارع والعقل الرائع والوعي الجامع والجمال اللامع ، الساحر المعضل الي مفهوش غلطة الي هييجي يخطبها او سوري انا آسف هيحبها ويعشقها هي بس الأول دونًا عن كل البنات لسبب ما وبعدين يخطبها ، ولذلك تلاحظ ان بنات كتير بيوصلوا ال 30 وفوق ولسة متجوزوش ، بترفض دة عشان صوته مش حلو ، وترفض دة عشان ناقص كام سنتي ، وترفض دة عشان شكل نص مناخيره الشمال مش احسن حاجة ، وكذلك الشباب يعني مش بريئين من الاستحقاقية دي ، بيتمنى فتاة الاحلام ذات التضاريس الشاهقة حادة الزوايا والجسد الصافي صفاء الأطفال والخزعبلات دي كلها لدرجة ان البنت العادية حاليا مش مالية عينه وبيلاقي فيها الف عيب ، والعيب مش فيها العيب في نظره ، ولا ألوم في الحوار دة الا السوشيال ميديا الي برمجتنا على تعظيم الصفات والتقاط ملامح الجمال وملامح القبح زي الكمبيوتر مابيكتشف الأخطاء ، وافقدتنا قدرتنا على الشعور ببعض كبشر واحساس الفضول الطفولي الي بيجيلك تجاه باقي البشر وان احنا نبدأ نحس ببعض ونتعلق بالتواصل البشري الدافي والتواصل العميق الي مابيننا ، وكذلك الاباحيات التي اعمت أبصار الشباب بعد ان أهلكت الحنتكور بتاعهم والسلام عليكم ورحمة الله 🥀

مش عشان اشتم حد بس عايز اطلع الي جوايا مش اكتر