u/Fun_Membership_8556

حلمت اني انا و واحد صاحبي في المكروباص و انا ماسك موبايلي وببعت رسالة لحد فحأة لقيت الراجل اللي راكب ورايا بيرد على الكلام اللي انا كاتبه في الرسالة ، فقولتله يراجل يا قرني بتبص في الموبايل بتاعي ليه ؟ ، قالي مش فاهم فين المشكلة .

قومت قايله ترضى مراتك تبقى باعتالك رسايل عيب ولا مؤاخذة وانا بصيت مش ابقى انا كدا زبالة ، قام قالي لا تبقى مراتي اللي غلطانة انها بتبعت حاجات عيب ، قومت انفجرت فيه وفي السواق و في الركاب شتايم وصاحبي فضل طول الطريق يهديني عشان السواق مينزلناش

اخواتي اللي بيفسروا الاحلام يفسروا العبط ده

كنا اعز اصدقاء ، بنخلص كلام بعض ، عارفين عن بعض كل حاجة .

بس انت فجأة بعدت ،بدون اي مقدمات

او يمكن كان في مقدمة

معاملتك اتغيرت بعد موقف ما ، وعلى الرغم انك غلطان قعدت تكابر ، وقطعنا مع بعض فترة .

كنت بتشوفني في الشارع تلف وشك

احا! ، ليه يبني وانا واكل ورثك

وعلى الرغم انك انت اللي غلطان انا برضو اللي فتحت الكلام ولولا كدا كان زماننا مقاطعين بعض لحد دلوقتي.

وفصلت تبعد تبعد تبعد لحد ما بقيت معرفة سطحية

شخصيتك بقت بغيضة جدا و بتقف عالواحدة وهجومي وعدواني ولما تنتصر في نقاش بتحس انك مفيش منك اتنين ولما تخسر في نقاش بتوطي صوتك وترجع اليف

وليه اصلا نخش في نقاش وتبقى مستميت على اثبات وجهة نظرك اوي كدا في اي حاجة حرفيا سواء مهمة او مش مهمة !

وكل دا تحت قناع الهزار واننا لسة صحاب

لا احنا مش صحاب لدرجة ان احنا بنقعد جمب بعض مش عارفين نفتح مواضيع او نتكلم كلمتين مع بعض على عكس زمان خالص .

زمان كنا بنتكلم ٢٤ ساعة ، بنخرج ، كنا اصحاب انما دلوقتي لا خالص .

يا اما انت اتجننت يا اما انا اتجننت واتمنى نرجع لعقلنا تاني

او مش فارقة خلاص كدا كدا مش هنرجع زي الاول ربنا يكرمك يعم .

بتخشها وانت مش عارف بتعمل ايه وهتصاحب مين ، بتتلم على شلة بضان ، لازم هيحصل بينك وبين حد فيها مشكلة وهتعرف كل فرد على حقيقته من الحوار ده ، محصور بين التوهان في الماضي و التركيز على الحاضر والتطلع للمستقبل، وايه الدقن دي كمان؟ ، وايه كل المواد دي هو انا عبد ولا ايه ؟

بتخش تانية وانت متدراك اللي حواليك نوعاً ما بس بردوا بيطلعلك فيها خوازيق ، وفاكر الواد البضان اللي اتخانقت معاه في اولى ؟ ، هيظهر تاني وغالبا هتبقى عرفت تمامه خلاص .

وتانية دي غالبا بتعيش فيها احلى لحظات حياتك وانت مش مدرك و غالبا بتشيل مادة في الترم الاول وبتلحق نفسك فالترم التاني والسنة بتعدي هوا .

وما بين تانية وتالتة بتبقى عرفت مين معاك ومين عليك واللي يسندك واللي عايز يوقعك ونضجت عن اولى بمراحل ، وغالبا بتنزل شغل ويبقى عندك حياة و تدرك ان الدنيا فيها كتير وتفكيرك بيتغير بشكل او باخر

اما تالتة بقى هكتب عنها لما اخلصها ان شاء الله .

اكتر مدرس علق شوفته في حياتي وربنا