u/FederalLawfulness882 — reddlx

انا كنت فى بداية زواجى معنديش خبرةجنسية مما تسبب فى وجود مشاكل بينى وبين شريكة حياتى

وكل فين وفين على ما نمارس زى الناس وكان عندى سرعة قذف وبمرور الوقت بدأت المشاكل تزيد سنين ورا سنين وقلة الفلوس وكترالطلبات ومصاريف عيال وجامعات خاصة للكبار ومدارس لغات للصغير مما اضطرنى لعمل قرض لأكفى مصاريفهم وبعانى من سداد الأقساط القرض مع ثبات المرتب اللى بيكفي بالعافيه وطبعا هى مش مستحملة بالرغم من انها شجعتني على القرض ومافكرتش فى كيفية سداده وعلى فكرة انا بديها المرتب وباخد مصروفى يكفى يدوب مواصلات وفطار ومهمل فى نفسي اهم حاجة هما يعيشوا كويس مش مقصر معاهم فى حاجة وبرغم ذلك البعد بينا بيزيد أكثر وأكثر لدرجة ان بقالنا يجى ثالث سنة مش عايشين زى زوج وزوجة مش طايقانى وانا عايز امارس زى الناس مش عارف هى مستحملة ازاى انا مستبعد موضوع الطلاق عشان العيال مايتأذوش وهى دايمآ تبص للى اعلى مننا أن عشيتهم مرتاحة أكثر مش عارف اتصرف ازاى على الوضع الغريب ده لدرجة دلوقتى بتخاف تنام جانبى على السرير وأى تلامس بينا تقوم مفزوعة كأن حاجة قرصتها و تقفل عليها الباب لما تيجى تغير هدومها أو تدارى جسمها منى لما ادخل عليها فجأة لحد اما اخرج حاسسها كأنها غريبة عنى أو انا غريب عنها ولست زوجها مش عارف اتصرف ازاى؟