u/Fearless-Opposite776

انا احس بكسل وخمول دايم اسال وش فيني وش فيني يقولون فيتامين دال ناقص افحص افحص احس مبالغه بس بديت اصدق شوي

اليوم كنت بجدد اثياب النوم حقتي فا خويي نصحني بمحل معين او بوث بمكان معين يعرض اثياب نوم وشغل شباب البلد قلت ادعمهم ونعين من الله وخير المهم رحت وكانت تصاميم الاثياب عاديه زي اي ثوب نوم شفته بحياتي ورحت كلمته قلت ماشاءالله حلو قال حنا ما نستخدم بوليستر انا سويت انه شي واو بس هو طبيعي اثياب دروش والأصيل كلهم يستخدمون قطن ميه بالميه بس مشيتها له وخذيت ثلاث اثياب قال لي السعر 1000 وشي طالعت فيه قلت عفوا ليش ذا السعر الفلكي قال ذا قطن ومريح وبلبس قلت له اطلق ثوم نوم لو بفصل تفصيل وباطلق خامه بميه وخمسين للواحد وجاهز بتسعين قال بس الخامات قلت يا مسلم كلهم قطن وش الخامه المهم هو تقل عصب قال مو عاجبك لا تقطع رزقي قلت ما قطعت الرزق بس انت حافظ عليه تستغل الناس عيني عينك

اللي اعرفه عن الذباب الاكتروني انه يولع الراي العام ويسبب مشاكل بين أفراد المجتمع بس دايم احس انه مبالغات او تعبير مجازي لين قبل فتره شفت مقاطع كثيره عن الخيانه زواجيه وزوج يخون زوجته او العكس وادخل كومنتات كلها تعزيز وقصص قلت الله يعينهم بس لين شفت خامس مقطع ونفس الفكره خيانه دخلت حساباتهم يتكلمون عربي بالهجة دوله معينه وحاطين علم دوله معينه بس يوم تدخل بوت تليقرم حق اللي يوريك الحسابات من وين تلقاهم وينهم وين الدول ذي واستغرب شالفايده لين حسيت الموضوع اكبر وانه تفرقه بين افراد المجتمع فعلا وصرت نص مقتنع بالسالفه هذي

اليوم على العشاء اختي جت ومعها ولدها عمره سنه ونص او سنتين تقريبا قلت بجيب لهم عشاء وجبت وقاعدين ناكل ونسولف وهي تبرد البطاطس لولدها وتبي تاكله بس ولدها تفل لقمه قسم بالله مسكت لقمة ولدها وكلتها قدامي قعدت اطالع فيها قالت لي متقرف صح قلت ايه قالت تدري ذي لقمه عندي ازين من العشاء اللي جبته وتقرفت حيل واحس اع بس كلمت امي وقالت لي عادي الام وضناها لا تشرهه عليهم الحب الفطري يشيل شعور القرف بينهم