بكره جسمى وشكلى فى الصور وكل حاجه فيا
(الحمدلله على كل حال)
وزنى زايد وبيزيد وانا حرفيا مبعملش حاجه انه يزيد بسببها، مهما عملت وزنى مش بينزل ومش بخس ولو خسيت برجع ازيد ضعف الى خسيته تانى. اكلى اقل من المتوسط ومؤخرا مبقت اتعشى غير مره كل اسبوع او اسبوعين مثلا، مش باكل حلويات غير كل فين وفين لما بيكون فيه مناسبه ولا حاجه، مش بشرب غير نسكافيه 3*1 مره او اتنين لو يوم شغل وكدا ومش بزود عليه سكر (عارف ان فيه سكر بس مش بحط عليه زياده يعنى) ومع ذلك جسمى بيزيد وزن وبتخن اكتر
مشيت فتره على دايت وفتره تانيه نزلت جيم وعملت دايت فى نفس الوقت وفى الحالتين جسمى زاد برضو ؟؟!!
صحيا؟ عندى جرثومه معده وباخد علاج للغذه الدرقية وكوليسترولى عالى ومؤخرا اكتشفت ان عندى مقاومه انسولين (مش فاكر ايه تانى بعانى منه). بتابع دلوقتى مع دكتوره بس قالتلى لازم تعالج جرثومه المعده الاول، دا تانى كورس علاجى اخده لجرثومه المعده عشان الاولانى معملش حاجه هه
زهقت من جسمى وبكرهه ومش بطيق ابص لنفسى ف المرايه بسبب جسمى، اوقات كتير بييجى فى بالى انتحر بسبب جسمى (افكار بس لكن مستحيل اوصل انى اعمل كدا)