u/Fair_Tap5742

معلش لو البوست هيبقى طويل لكن انا عاوز افضفض فى مكان محدش يعرفنى فيه على الاقل

معنديش صحاب ... وحيد ... مضغوط ماديا و معنويا بمسئوليه ام و اخوات بنات ..... مش عارف اكون علاقات قويه مع الناس اللى فى الشغل ... مش عارف اعمل حاجه كويسه ... بلاقى كله بتقدم و بيشوف حياته و عنده ناس الا انا

بدأت ادرك قد اي انا لوحدى ... و قد اي انا تعبان و انى مش عارف اقابل ناس و لما بقابل ناس جديده حتى مبقدرش انى ابنى العلاقه كويسه

و فى النهايه انا وحيد ... وحيد جدا و مش عارف اخرج من كل ده

مع انى شغال كويس الحمد لله لكن حاسس ان كل ده ولا حاجه

حاسس ان كل حاجه فاضيه و فى النهايه تعبت من الوحده و تعبت من كل ده و مش عارف اعمل اي لكن على ما اظن كده ان هاقول طز فى كله و أكملها كده و خلاص بقى

مش عارف حقيقي .... محدش يقولى انزل جيم انا بنزل already 😅