u/EstimateMedical6666

يعني ايه وحدة تقول لي انها بتكره الحجاب (انا معاها ف النقطة دي معتقدش في بنت بتحبه بس الحمدلله)

بعدين تقولي ع فكرة الحجاب مش فرض اساسا؟ اقولها ازاي

تقولي الازهر مكانوش بيلبسو الحجاب وان فمصر عموما محدش كان بيلبسه والعرب (الخليج) هما اللي فرضوه علينا

وبتقول ان الستات المنقبات بيبوظو المظهر العام للبلد لانهم بيبقو شبه (كياس الزباله ماشيين ف الشارع) مع العلم ان والدتها منقبة والبنت بتحاول تقنعها تقلعه لنفس السبب

وبرضو شايفه ان النبي واحد بيعمل حروب مخصوص عشان يجيب جواري

وكان بيتجوز كتير عشان هيجان وخلاص

والصحابه برضو نفس الكلام

وان ربنا ظالم (والعياذ بالله) لاسباب كتير منها انه عز وجل موقفش الحرب ف فلسطين

وان المسلمين اكتر ناس مؤذيين لانهم كانو بيدخلو على الناس اللي من ديانات تانيه وياخدو منهم الجزية لو مرضيوش يسلمو

من الاخر كده المسلمين برابرة وهمجيين وان احنا مبنفهمش ف ديننا وماشيين ورا كلام الشيوخ وخلاص

مش متأكده لو البنت ملحده ولا ايه عشان هي بتصوم بس مبتصليش مثلا ومش عايزه اظلمها

بحاول اطنشها ومدخلش معاها ف نقاشات بس بجد بسمع منها كلام يفقع المرارة ومش بعرف افضل ساكتة