بشوف ناس كتير بتطلع رايدات. بس للاسف مش كلهم بيقدر يكمل تعالا اقولك ليه مش بتقدر تكمل
مبدأيا التحضير لأول رايد او اي رايد مهم. في ال ABC check
شرحناه قبل كدا. الخلاصه يعني
Air, Brakes, Chain
هسيب لينك مثبت في الكومنتات بالتفصيل.
و مياه مهمه. و اكل سريع. يعني حاجه سريعه تديك طاقه فيها carbs
زي مثلا بسكوت بالعجوه. ممكن بسكوت عادي. ممكن مثلا شوكولاته زي كتاكيتو مثلا.
مش شرط الحجات دي بالتفصيل بس امثله. يعني كل نص ساعه او كل ساعه حاجه منهم. و اعمل حسابك بزياده مش يمكن حد معاك في الرايد مش جاهز.
برضوا اوعي تقع في فخ ال over prepping
في اول رايد ليك ممكن اصلا تاخد حجات تكفيك 300 كيلو علي مسافه 10 ولا 15 كيلو.
لو الرايد بتاعك وسط البلد متاخدش معاك حجات كتير مش محتاجها. عادي اشتري من السكه.
و اهم حاجه اوعي تنسي الكاش. و عادي يعني انت اول مره هتاخد معاك حجات كتير مش لازم يعني علطول تظبط من اول مره. بس يعني خليك جاهز.
لو عجله ايجار عادي برضوا اعمل ال check دا بتاع abc
و ياريت تطلع مع جروب مناسب لمستواك. عشان بشوف ناس اول مره تطلع تروح مع جروب اصلا بيسابقوا في الاتحاد الدولي و مستغربين مش ملاحقين ليه
نقطه تانيه ال pacing
اوعي تجري بالعجله انت ماشي براحه مع الجروب. و بلاش حركات مفاجئه. و اسمع كلام الكابتن. قال اعملوا كذا اعمل كذا
و حاول تستفاد من ال drafting لو عرفت تمشي بالظبط ورا اللي قدامك
بس كدا
يعني ممكن نقطه كمان تمشي في الثلث الشمال من الحاره اليمين يعني.
و متسناش تقولنا غلطت ايه في اول رايد 😉؟