u/Either_Control_5745

اول شي انا ولد عمري ٢٠، انا بثاني سنه جامعه ومن يوم ما كنت ثالث ثانوي واشوف اخوياي يسافرون ويطلعون و و و، اذكر مره بثالث ثانوي راحوا مخيم يبعد عن الرياض ساعه وشوي، وقتها امي كانت مره مره مره رافضه الفكره، وبعدها بالاجازه الصيفيه قالوا نسافر عمره وامي برضو كانت رافضه رفض تام، وحاولت اقنعها ما امزح يمكن اسبوع كامل، وقبل فتره راحو مزرعه وقعدوا ٣ ايام هناك وبرضو كانت رافضه بالكامل بس سالفه المزرعه نوعًا ما كنت انا الي ما حاولت مره اقنعها لكن اعرفها امي ما راح توافق، الحين يفكرون اخوياي يسافرون برا وحاولت اقنع امي لي كم ساعه ومره مره مره مو موافقه، ايش الحل قسم بالله تعبت، تعاملني كاني طفل، حتى بالطلعات العاديه احسها تتغصب تقول اي، ومرات ترفض حتى، ف وش الحل وكيف ممكن ارضيها، ما ودي اروح او اسوي شي من دون رضاها اهم شي، ملاحظه: الوالد متوفي الله يرحمه من ٧ سنوات