رساله للانتيرنز والمقبلين على البورد
هذي نصيحه خذوها او طنشوها على كيفكم .. لكن متاكده بالمستقبل القريب بتقولون ليتنا سمعنا كلام هذا الشخص الغريب مثل ما ندمت الان
سنه ٢٠٢٥ في ابريل، قدمت على تخصص غير تنافسي لكن مطلوب جداً، واستشرت احد الزملاء وقالي بالحرف : الصحه توجهها سيء تجاه الاطباء، لو لقيتي بورد امسكي فيه !
طنشت لان درجاتي عالللليه جدا جدا وكنت ضامنه الوظايف بعذر انه الطب دائما احتياج .. لكن للاسف :/
لقيت نفسي في دوامه غير منتهيه التخصص التنافسي خلاص تعبت عليه وقضيت ٦ شهور ودفعت ١٢ الف عشان الاتاتشمنت.. السيرفس منقصين مني درجتين للاسف مافي وظايف
وبالنسبه لبرنامج الصحه القابضه التوظيف حقهم ذا ما قبلوني مع انهم قابلين ناس اقل مني بالدرجات + ٢٠-٣٠ شخص من اصل ٢٤٠ متخيلين ؟😂
عموما الصحه القابضه سوت أشياء كثير في خلال هذه الشهور البسيطه اولها الكذب والتدليس وعدم إيضاح الأمور
لكن بختصرها لكم بنقاط
- قللت رواتب جميع موظفين الصحه والأطباء خصوصا من٤-٥ الاف، الاخصائيين بحدود ال٦ الاف خصم
- زادت ساعات العمل
- صار عقد يعني لو سنتين ما عجبتهم يزحلقونك
- وظفت عدد مضحك من الممارسين الصحيين مقارنه بالأعوام السابقة
- استبدلت العماله السعوديه بالعماله الاجنبيه وقت ما كانو يقولون لنا بتتوظفون بعد اسبوعين
ما ادري لو مستوعبين مضاعفات هذا الشي على المنظومة الصحيه او لا، لكن صدقوني الممارس السعودي الصحي هو الضحيه الاكبر،
لان بشكل بديهي جداً إذا راتبي انا بالصحه ١٥٨٠٠ وبالحرس او التخصصي بحدود ١٨ وين بروح وبنافس؟ الtertiary centers
طيب تتوقعون هذي السناتر لما يعرفون ان فرق الرواتب عندهم مهول ماراح يصير تبعيات؟
- يا تستحوذ على التوظيف عوائل وناس محدده ويصير بالواسطه
- يا راح تقلل سلم رواتبها مثل الصحه .. لان الصحه هي الاساس
وهلموا جراً … تبعيات كثير كثير كثير احنا مو مستوعبينها لكن صدقوني بالمستقبل القريب الطبيب السعودي بيصير شبه معدوم
بعيني للاسف شايفه اطباء مصارية يشتغلون بالصحه القابضه واحنا موقفين علينا التوظيف وقابلين عدد زهيد من المرشحين للاسف
عموما انتم واختياركم. لكن تذكروا كلامي او حطوه بالاعتبار