قعدت افكر بالاماكن اللي اقدر القى فيها شريك حياة
كوفيهات ومطاعم ؟ هممم لا مراهقة بزيادة ويغلب عليها الطابع المستهتر وغير الجدي
دوامي؟ كل المرشحين اللي بداومي يحومون كبدي مدري عشانهم يذكروني بالدوام ولا هم فعلا مايجوزون لي
معارض ومؤتمرات؟ يغلب علي الجدية فيها لاني امثل نفسي مهنيًا..
وين قد سمعتوا من اللي حولكم بمكان التقاءهم بشركاء حياتهم؟
اف قاهرني مديري مرررررا
اجنبي هو وقاعد يسوي حركات وصخه ويدري اني ماقدر اقول شيء لاني اشيل هم التقييم صراحة وعادي شغيلة واطول بالمكتب حتى لو هو طلع
وماخذه الوضع تحدي مابي اطلع من الشركة لاني بعزز من وجود جنسيتهم والسعاوده بيستمرون على كونهم اقلية بالشركة(ايه عقلية المنقذ)
الله يشغلك بنفسك استاذي امين يارب يارب يارب
انا اعرف ان الزواج بيفقدني جزء من استقلاليتي وفرادنيتي لا محالة
فا لما يقولون الزواج في العشرينات من عمرك
vs الثلاثين
يجي ببالي الآتي
العشرين: افضل انك تتزوجين لانه اعف لك وتجيبين عيال وانتي صغيرة لان جسمك بيستشفى اسرع ويكونون عيالك بالجامعة وانتي اربعينيه ، بس بيقيدك عن اشياء كثير ماتقدرين تسوينها وبتنربطين مع الاطفال وتضيع عشريناتك وشبابك معهم
الثلاثين: بتتزوجين بعد ماعشتي الحياة واكتشفتيها ، بس بتفقدين جزء من العاطفة والاحتواء اللي تحتاجينه اللي الله يستر وشلون بتشبعينه اصلا ، عيالك كبار وانتي خمسينيه واحفادك بعد، وبشكل عام مالك خلق او شغف زي عشريناتك
ااااااااااااخ بس
إلى لقاء اخر مع بارت مخاوفي من الزواج ..
ايه عادي
جزء من النضج انك تتحمل تبعات تصرفاتك و وش سويت بحياتك
بتقولون ليش؟ بقولكم لان
-شخصيتي اقصائية جدًا
-احب واكره بسرعة
-ماقد دخلت علاقة سواء عاطفية/ صداقة وكانت مستقره
-علاقاتي مع اهلي سيئة
-اذا زعلت ماحب ارجع، كاني اؤمن انه خلاص الخلافات تسبب جروح في العلاقة ولن تشفى او تنجح
مادري خايفه جدًا... مين تعرفون احد في الرياض كويس في تشخيص هذي الحالات
اخاف اني اتخذ قرار خطأ وارتبط بشخص خطأ لا سمح الله
ويكون هذا الرجل (اول) واحد اقبله
اول رجل اسافر معه
وابني العديييد من الذكريات (الأولى) معه
قالت لي صديقتي:"طيب؟ واذا عرفتي انه الشخص الغلط عادي انفصلي"
قمت انا قلت 😟 لا!
كيف كذا؟ والذكريات هذي كلها اللي عشتها
"طيب عادي ابني ذكريات ثانية زيادة مع الشخص الاخر"
بس هذا بيكون أول شخص بنيت معاه ذكرياتي، ومابي تظل هذي الوصمة..
وصمة المرة الأولى في ذكرياتي