ماما بقالها فترة في بيت أهلها وانا معاها وما يقارب السنة، وهي كانت جاية علي أساس ليها مطالب وكده ويقعدوا ومطالبها دي تتحقق، بعد ما جات هنا فضلت تقريبا ثلاث شهور حرفيا وهو مبعتش ناس للصلح ولا عبّرها وولا كإنها موجودة أساسا ، وهو أصلا بيكون مسافر محافظة تانية للشغل( اللي هو عبارة عن كشك معفن مفيش حاجة صالحة تتباع فيه غير السجائر) مبعتش حد ليها غير لما رفعت عليه قواضي، وفضل بردو مش عاوز يحقق لها حاجة ولا يصلح ولا يعمل حاجة بل ويحاول يشوه سمعتها و يتبلي عليا أنا كمان، وفي الآخر بعد ما خلاص السنة قربت تخلص وهي فبيت أهلها والقواضي كلها فصالحها لقينا واحد جاي يكلمها وبقولها أنا صاحبوا ومعرفش إيه وعاوز أصلح بينكم وبتاع وده بعد سنة حرفيا وكل حاجه فإيدها ، دلوقتي الراجل ده كان بيكلمها بطريقة كويسة وكلامه هي إقتنعت بيه، وهترجع وهتتنازل عن القواضي اللي هيا رفعتها واللي هي اصلا كسبانه فيهم كلهم، والشروط اللي هي كانت حطاها في الأول هي حرفيا اتنازلت عن نصهم بعد ما الراجل ده كلمها( الراجل ده كان صاحبه من عشرين سنة وهو باع الكشك بتاعه في المحافظة التانية دي وخلاص جه يمكن حياته في بلدنا عادي واتقابلوا تاني فقال أما اعمل فيها المشرف الإجتماعي واللي مفيش مني اتنين وأروح أصلح واضحك علي مراته بكلمتين)، دلوقتي أهل ماما كلهم رافضين رجوعها وهي مش سامعه كلام حد وشايفه أن محدش له كلام في حياتها طول ما هي مبططلبش من حد فلوس ولا طلبت من حد مساعدة، أنا كده كده ضد رجعوها ده تماما ومش هروح معاها تاخد اخواتي وتروح أنا لا، دلوقتي اخواتها قال لها أننا مش هيكون لينا علاقه بيكي وهتبقي ولا اختنا ولا نعرفك أن اتنازلتي عن شروطك وهي بردو مكملة، أنا بقي بحب ماما اوي وجدا بس بكرهها فنفس الوقت، وانا عارفه كل حاجه عن حياتها مع البني آدم اللي اسمه ابويا ده ووكل المواقف وكل حاجة بتفاصيلها ،فعاوزة أحكي كل حاجه عنها لأي حد سواء بيت أهلها تيته وجدو أو اخواتها عشان يكرهوها أكتر علي أمل انهم يكونو وسيلة ضغط عليها لما تلاقي حياتها هناك زبالة ومحدش من أهلها بيكلمها فيكون في احتمال انها ترجع تاني، حرفيا الراجل اللي هي عاوزة ترجعله ده أحقر وأزبل وأوسخ وأهبل وأعبط بني آدم ممكن يكون موجود في الدنيا دي، حرفيا بقالها معاه ما يقارب التسعتاشر سنة وبيعاملها أحقر معاملة وأزبل حاجه في الكون ، حرفيا معاها أربعة غيري منه وموظفة في الصحة وهي اللي كانت بتصرف علينا كلنا طول السنين دي وهو مدفعش مليم، و الإنجاز الوحيد اللي هو عمله في السنين دي أنه إشتري حتت بيت معفن أوضتين وصالتين وحمام ومطبخ حرفيا وفي بدروم ، وامي ساعدته في أنه يشتري البيت ده، وازيدكم من الشعر بيت البيه اصلا متجوزها علي وحده وكان الإتفاق أنه يطلق الأولي قبل ما يتجاوزها وضحك عليها ومطلقهاش وبخيييييييل بخييييييل ومناافق ،حرفيا مبيشتريش هدوم لنفسه وكان بيستني الناس اللي هو فاتح الكشك عندهم يدوله هدوم علي أنه عمهم كذا اللي قاعد معاهم في الشارع ،مبياكلش لحمة غير لما حد يديله كيلو في العيد الكبير، كان بيجي حرفيا ياكل من الأكل اللي هيا شرياه ، كان بيجي أسبوعين في الشهر وامي تشتريله الاسبوعين دول اللي احنا مبناكلوش أصلا وكل الفاكهة واللحمة والفراخ والسمك اللي هو مش بياكلهم هناك وخدو باكم ده علي كلامه ، يعني هي مشافتش هو بياكل ايه، ومراته التانية دي لما بتيجي بتقعد معانا فنفس البيت، وتستخدم تلاجه امي والتلفزيون ، انتو متخيلين أننا كان عندنا تلفزيون مش شاشة ،،اصلا،، المهم ده مش موضوعنا ،كان مدي مراته أكبر اوضه في البيت، والتانية عندها اطفال منه وكمان كان أوقات بياخد فلوس منها وهو راجع محافظته ، ولما تطلب منه يصرف أو أي حاجه كان بيهزقها وتقولو أنا عاوزة فلوسي اللي دفعتهم في البيت يقولها مش معايا ليكي فلوس، وكان بيضربها ويذلها ومعندهاش شخصية طول ما هو موجود ويقولها انتي مش هتمشي كلامك عليا مفيش ستات ليها كلمة فعيليتنا، ومراته بتظهر للكل انها كويسة وحرفيا كانت أي حاجة نعملها تروح تقولهالوا وتقوله ابنك الفلاني عمل وبنتك بتقول ومراتك عملت وكانت بتسن لأمي عالبارد وتشتمها وفمرة قاتلها ألفاظ مقدرش اقولها حرفيا وقالتها هو كان متجوزك كيف وجارية عنده عشان الخلفية وبس عشان أنا مبخلفش وهو كان متجوز امي فعلا عشان الخلفية بس التانية بعد جوازهم حملت وخلفت، وتعامله معاها كان زبالة ، بيجي ياكل من أكلنا وتعمله الأمل اللي احنا مش بنامله اصلا ، أقسم بالله كان كل يوم لحمة لحمة لحمة سمك لحمة لحمة، وحلويات وفاكهة وأقسم بالله بياكلهم كلهم لوحده ، وييجي يفتح تلاجتنا يشوف فيها ايه ولو لقي منجاية يقول هو انتي معملتليش المنجاية دي عصير ليه، انتو متخيلين الجليطة، وكان لما تختلف معاه فرأي، حرفيا اختلاف آراء في حاجه يبقي عاوز يضربها ، ومن خمس سنين كان بيضربها فعلا، بس كانت غضبت عند اهلها بردو وبعدها بقا يهوش بردو ، نفس الوضع يعني بس مش راضي يضربها قدام اخويا لأنه غاسل عقل اخويا ، وغير كده حرفيا مفيش حد من اخواتي حضر ليهم أي حاجه او أي مواقف ، أنا اللي سمعت كل حاجه وشفت كل حاجه وكنت حاضرة ومش ناسية حاجه، الراجل ده ذاللها ،مخليها بدون كرامة حرفيا ، بيكرهني اوي وانا كمان بكرهه هو وعيلته وأخواته كلهم (أخواته دول ستات ورجاله وهو ذات نفسه كلهم بيغيروا من امي لأن معاها اولاد وموظفة وباصين لينا فكل حاجه وبيستنوا نعمل أي حاجه عشان يشمتوا فينا) وهو معاهم ، كان بيقول لابنه التاني اعمل كذا عشان تبقي زي كذا ( اللي هو اخويا) وغيران أن اخويا بيعرف في الحاجه دي مثلا وابنه لا ، وكان بيقول لأمي متدخلنيش ثانوي لإن البنت آخرها بيت جوزها وانا مش داخله ثانوي، علي فكرة أنا اختصرت الموضوع بطريقة فظيعة، ده حرفيا واحد في المئة بس من الموضوع كله، ماما مش عاوزة تتطلق عشان في تفكيرها زمايلها في الشغل لو كلمت واحد فيهم هيقولو مطلقة وبتكلم واحد ببقي بينهم حاجه والوساخة دي، و عيالها الولاد مش هيلاقولهم اب يسندوا عليه ، علي أساس أنهم كده عندهم، ومش يعرفوا يتجوزوا لإن كده مفيش وحدة ترضي بيهم،...، ده كله بسبب البيئة اللي إحنا عايشين فيها وهي أرياف علي فكرة، بكره الفلاحين، علي فكره انا متكاملة علي الموضوع من وجهة نظر ماما مش من ناحيتي أنا ،انا معنديش مشكله مع ذكرياتي اللي عشتها هناك نهائي وكنت لما هي تتطلق هعتبر أنه مات وخلاص ، بس كده انا عمري ما هسيبه غير لما أذلة وآخد منه كل حاجة يمتلكها لأنه أخد مني أمي تاني، متكلمتش عن الضرب والخوف والتعب والرعب، أنا دلوقتي حرفيا لما بسمع صوته مع اني أكتر حد مبيخافش منه بس جسمي بيفضل يترعش لوحدة وقلبي بينبض اسرع من الخوف ،مع اني مبخفش منه، أنا متكلمتش عن أي حاجه عني حرفيا وامي بتقولي هو جوزك انتي ،هو جوزي أنا انتي مش متضررة فحاجة ، معرفش انتو فاهمني والا لأ بس أنا حتي مبعرفش أشرح أي حاجه ، بس شرحتلها مليون مرة ومكنتش بتسمعني، كان عيالها التانيين أهم، لأنهم بردو مش عاشوا اللي أنا عشته ، وانا الكبيرة أنا البنت الكبيرة ليه وليها واكبر من عياله من الست التانية، أنا بس كنت عاوزاها يكون عندها كرامة وترميله عياله التانيين متسبش غير الصغير، وتتطلق .... المهم ، أنا خرجت عن الموضوع الأساسي ،دلوقتي أنا عاوزة اشوه صورتها فعين الكل عشان ميكلموهاش تاني فتكون وسيله ضغط وتلاقي الدنيا بايظة من الناحيتين وترجع، أنا كده كده مش فارقه معاها أو بالنسبالها انها تسيبني في بيت جدي هي كده راضت الطرفين والكل بقي تمام، والا متكلمش عليها لإنها كل ما بتكلم عليها بتكرهني أكتر واشوف اني شريرة وواطية وبنت متربتش لإني بعمل كده .......حرفيا الشروط اللي هي راجعة عليها هي إنه يتأجرلها شقة لحد ما يبني الدور التاني لمراته التانية، لأنه شايف أنه مش من حقها تطلع من البيت لإن ده بيتها فتفضل هي معززة مكرمة في البيت لحد ما الدور التاني يتبي ،وهو كداب اصلا مش هيبني حاجه وبيضحك عليها، وامي أنا بقي قاعده فشقه ايجار المفروض هو اللي يدفعه بعيالها ويديها أربع تلاف جنية فالشهر والراجل صاحبه ده كمان هيساعده ويديه ألف وهو يدفع تلاته لإنه مش مقتدر، قال يعني، ويديها الفلوس اللي كانت دفعتها في البيت واللي لو حسبناها علي فلوس وقتها والفلوس دلوقتي هنلاقيهم خمسمية ألف وشوية وهو هيديها مائة وخمسين ألف ....دي الشروط .... انتم متخيلين ...عشان كده انا مقهوورة ، وولادها اللي هما اصغر مني اصلا شايفين أن كده تمام ...
بيت جدي ده مش أفضل حاجه بردو لإن حرفيا خالتي هي كمان جاية غضبانة فنفس الوقت بتاع امي لإن جوزها ابن أمه، ومعندوش شخصية وامه شتماها وقرف كتير كده وهو بلكها من كل المواقع زي المجنون عشان يرضي أمه وأخواته البنات شتموها وشغل غلط بردو وفي الآخر بتقعد تكلمه بالليل وتضحك معاه وهو مسافر بره مصر دلوقتي وهي قاعده عن أهلها لإن مش عارفه ترجع بيتها لإن أنه هناك وقارفينها.....فبردو مبعرفش أقعد منها ومن عيالها بس ارحم مليون مرة من القعدة فبيت الزفت اللي لو قعدت بطريقة معينه يقولي مفيش بنت تقعد كده ، ولازم أقعد زي الصنم وفي أيام حرفيا مبنطقش فيها غير كلمتين طول اليوم بالعدد لإن مش عارفه اتكلم مع حد ولا عارفه اعيش اصلا ولا مذاكرة ولا بطيخ ، عبارة عن قرف وبس......
طولت عليكم..
آسفه لده كله والله ..
زي ما قولت اعمل ايه ...اشوه صورتها ، والا لا عشان متكرهنيش