شباب محتاج بجد مساعدة أو رأي محامي في موضوع في بالغ الأهمية
دلوقتي مفروض إحنا وقعنا عقد إن شركة معينة مفروض هتبني عمارة كاملة و إحنا لينا شقتين في السادس ومحلين في الدور الأرضي ، دلوقتي المشكلة حاليا إن بسبب الأسعار اللي عمالة تعلي ومشاكل تانية تبع الدولة الراجل مرضاش يبني بقاله كام سنة، وكمان حاليا بني المحلين بس لحد دلوقتي بس وكل مرة الناس تيجي تسأله، يقولهم ياخدوا فلوسهم أو يدفعوا فلوس أكتر، المشكله مش هنا، المشكله دلوقتي إن هو المحلين دول في ناس جم وحطوا البضاعة بتاعتهم فيها، والناس دول مفروض يكون ليهم شقق بس علشان الراجل عمال يتأخر، الناس حرفيا كانوا عايزين ينتفعوا من المحلات دي وعمالة تبلطج، المهم اما جينا نجيب محامي ونسأل علي صحة العقود علشان نتأكد الراجل ماضي مع كذا حد أو لا في المحلات دي مطلعش غير معانا احنا بس، المهم احنا شاكين إنهم كذا حد متفق مع بعضه علشان سببوه علشان يخدوا مننا فلوس بلطجة وخلاص، المهم احنا خايفين من حاجه معينة، دلوقتي احنا لو جبنا بلطجية، او طلعنا الحاجه من المحلات، ممكن يعملوا محضر عدم تعرض، والنيابة تقول يظل الوضع كما هو، في حين تنتهي القضية، هو اكيد طبعا هنكسب القضية، علشان معانا الورق بس حرفيا، ممكن يخلوا الجلسات تطول لمده كام سنة، وبالتالي هما هيكسبوا واحنا هنخسر علشان مش هنعمل حاجه بالمحلات، وغير كده، ممكن يعملوا حركة اوسخ انهم يكونوا مجرد حاطين كراكيب، ويقولوا مثلا اه كان في بضاعه نص مليون جنيه، وانت وشطارتك ومين يكسب، الحوار كله حرفيا تضيع وقت بسبب كسم القانون المتخلف اللي احنا عايشين بيه، مع العلم إن أصحاب الأرض حرفيا كانوا عاملين عقد مع اللي بيبني، وكان متواجد بالنص في العقد، إن لو الشخص مبناش في الوقت المحدد العقد هيتفسخ، بند صريح في العقد، حرفيا قعدوا سنتين كاملين!!!! في جلسات رايح جاي علشان يثبتوا الحوارات دي، بجد يعني مفروض نعمل ايه او نتصرف ازاي، ده غير ان الراجل المعرص عايز ان احنا ناخد شقتين في مكان تاني جاهزين بدل الشقتين اللي هيتبنوا، الله اعلم ايه الاستفاده منه، سواء مساحتهم اصغر، الموقع اوحش، او لو خلانا ناخد الشقتين دول هيعرف يبيع الشقتين بتوعنا بمبلغ أحسن من المبلغ اللي احنا دفعناه له
لو حد عنده نصيحة أو بيفهم في الحاجات دي يا ريت يفيدني و يفيدنا كلانا بجد