r/PersonalFinanceEgypt

بطرح سؤال للنقاش مش للاستنكار، دلوقتي لو موظف (مسلم- لايقبل اي شبهه ربوية) بيفضله اي رقم فاخر الشهر وعايز يحافظ عليه ويستثمره المفروض يعمل إيه؟

فكرت ودورت كتير بخصوص البورصة، اغلب الشيوخ لم يحلوا التعامل على الاسهم المختلطة .. واحلوا التعامل على الاسهم اللي لا تحتك بأي شكل من اشكال الربا يعني ٠٪ ديون - ٠٪ ارباح ربوية، مفيش شركة تقدر تحقق الشرط ده على ارض الواقع حاليا في النظام المالي الحالي وبالتبعية البورصة حرام.

طيب إذا كان الشركات بتحط سيولتها في ودايع و سندات عشان تحافظ عليها من التضخم.. المفروض الواحد يحافظ للزمن على الكام مليم اللي بيفضلوا من مرتبه ازاي ؟

اتمنى حد يفيدني

انا الحمدلله دخلي حوالي ٢٠ الف جنيه في الشهر ، داخل علي جواز ومصاريف كتيره جداً، مشكلتي فيما بعد الجواز لأني هعيش في شقه ايجار ، والايجار حوالي ٨ الاف في الشهر ، ازاي اقدر ادير بقيت المبلغ لمصاريف الحياه الاكل والشرب ومصاريف البيت وادي زوجتي مصاريف شخصيه ومصاريف ليا ، حاسس ان الموضوع هيكون صعب جداً، والاصعب ازاي هقدر احوش فلوس جمبها للظروف سواء حد تعب او عمليات او اي ظرف احتاج فلوس ، ايه احسن طريقه حد جربها وقدر بيها يدير مرتبه بعد الجواز لأنه حاجه موتره جداً بالنسبالي وخايف اقع في فخ الديون او الضيقه الماليه

حاليا لسا نازل قرار في احدى دول الخليج أطبق عليه ان صاحب الجنسيه المصريه بقا بيتعامل زي جنسيات الدول الي فيها حروب و الدول تعبانه بيسموها دول الفئه الثالثه

الي هوا انتا مش عارف أساميهم أصلا و بقا عشان تنزل جديد و تجي الدوله لازم تعمل كشف حسن سير و سلوك السمعه بقت سيئه جدا و ناس كتير هتتاثر فيها و البروسير بقت طويله اوي عن زمان و في شركات هتفضل تشتغل مع جنسيات تانيه بسبب الموضوع دا و رسومهم هتزيد إذا هياخدو مصري عن اي جنسيه تانيه

و ما دام دوله عملت كدا انتو عارفين غالبا الباقي هيلحقها الواحد كان عارف ان الوضع وحش بس متوقعتش هتوصل لدرجه دي

جالي مبلغ حلو بالجنيه وشكلي هفضل مستني شوية عبال ما اصرفه. احطه في ايه عشان قيمته متروحش مع العلم اني معايا مبلغ كويس زي دول دولار وزيهم دهب. هل اريح دماغي واجيب دهب وخلاص ولا مش امان احط معظم فلوسي في حاجة واحدة الي هي الدهب؟

بعد اذنكم عاوز مكان او بيدج ذي تويتر تكون بتجيب الاخبار اول باول عشان اتابع اخبار البورصه والاسهم واعرف منين الشركه هتفلس او هتترقي وكدا يعني

حد جرب يسحب كل المبلغ الي في حسابه الدولاري من بنك اتش اي بي سي و الدنيا مشت عادي و لا في اسئله كتير؟

السلام عليكم...معايا مبلغ عباره عن. Usdt المهم عاوز استثمرهم و محتار و فكرت كتير...كنت بفكر اشتري عقار طيب مصر ولا دبي..طبعا فمصر حوار اني اسيل مبلغ كبير كريبتو هيبقى صعب و دخل ايجاري بالجنيه و ممكن بالعمله الصعبه...يبقى اروح دبي الكريبتو هناك تمام و اسيل كله و اشتري هناك عقار و دخل بعمله صعبه...طبعا ال roi فافضل الاحوال هيبقى مثلا 9% او 10% سنويا...بعيدا عن الاحداث و الضرب اللي حصل هناك...المهم انك تختار عقار مناسب لهدفك صعب جدا فالسوق بسبب العرض كتير جدا و نصابين كتير جدا و في وش كتير اوي..ففكرت افتح حساب ف ibkr و احط الفلوس كلها او معظمها فسهم زي spus و اريح دماغي و عائد سنوي اعلى من العقار غير توزيع الارباح اللي هيزود المحفظه مع الوقت...بس محتار و قلقان ان ibkr يسال عن مصدر الاموال و يجمد الحساب او كدا...كل اللي اقدر اقدمه كشف حساب ببنانس بقاله سنين و فعلا في عمليات كتير تدل عالمبلغ دا...شغلي اغلبه كان p2p و دا اللي ظاهر فالكشف و منه ارباحي...المهم..هل دا كافي لو حصل حاجه مع ibkr ولا اصلا مش هيحصل حاجه زي كدا...مع العلم متاح عندهم دلوقتي ايداع ب كريبتو stablecoins زي usdc...ياريت اللي عنده خبره يجاوبني و يفدني لان لو ibkr امان من الناحيه دي هدوس و افكني من العقار...كان في حد قالي افتح حساب و كلم الدعم و اشرحلهم قبل متعمل ايداع عشان تبقى مطمن مش عارف دا صح بردو ولا اي..بانتظاركم

معايا كذا مبلغ كنت مقسمه بس مش عارف اعمل ايه دلوقتي معايا 450الف كنت ناوي اجيب بيها عربية بس شكلي هأجل الموضوع حاليا بتاع العربية و في 90الف عايز اجيب بيهم دهب و اخليهم في جنب و 30 الف سايبهم احتياطي حاليا بفكر احطهم كلهم في الدهب و خلاص عشان احافظ عليهم لحد ما اظبط اموري

I wanted an app/website to live track all my assets and net worth(stocks, funds, gold, bank certificates and cash)

So I built a personal finance tool for myself because I couldn’t find anything that actually fits Egypt.

Most apps either don’t support EGX properly or ignore things like inflation, USD/gold impact, and local market behavior. So I ended up building one that does.

Right now it has two core parts:

Wallet:

Simple budgeting (income, expenses, savings)

Clear view of where money actually goes

Portfolio:

Live tracking for stocks, USD, and gold (EGP-based)

Net worth tracking

Portfolio analysis (diversification, risk, inconsistencies)

EGX30 overlap detection

Considers Egypt-specific factors (inflation + market growth)

Simple monthly “where do I stand?” report

It’s already live and working.

Would you actually use something like this?

And what would you want it to do better or differently?

بشتري شقة، وصاحبها باقي له مبلغ معين في معاد معين، عايزني أكتبله بيه وصل أمانة، انا عمري ما مضيت على نفسي حاجة قبل كدا، ونية السداد موجودة ان شاء الله والفلوس ان شاء الله هتكون جاهزة في مواعيدها، ايه أسوأ السيناريوهات اللي اعمل حسابي عليها؟ وهل في حاجة غير وصل الأمانة تكون أمان ليه وفي نفس الوقت أمان ليا؟ ولا انا بفكر زيادة عن اللزوم وخلاص؟

انا دلوقتي مرتبط بينت وعايز اروح اتقدملها وانا للاسف معنديش شقة، الفكرة انا مرتبي حوالي ٢٥ الف في الشهر فا ازاي اقدر احيب شقة في وقت قصير وتكون في مكان كويس

كنت بدور على شقة بقالي فترة ولقيت اعلان على دوبزل كلمت اللي منزله طلع سمسار. قابلته مرة واحدة لمدة ١٠ دقايق وصلني بصاحب الشقة واتفقت انا وهو على كل حاجة والبيع تم بسرعة جدا. الشقة تمنها ٦ مليون ٥٠٠

دلوقتي السمسار بيكلمني عايز نسبة ٢٪؜ ولما رفضت وقولتله مش هدفع نسبة لكن هدفعلك ترضية بعد اتمام البيع حاول يبوظلي البيعة وجاب كذا مشتري تاني لكن البائع كان متمسك بيا. كلمت البائع وعرفت انه متفق معاه على ١.٥٪؜ وأنه بقاله شهر بيسوقله الشقة وجابله كذا مشتري فمنطقي.

دلوقتي انا محتار اراضيه بكام؟ هو ماعملش معايا اي مجهود خالص ولا دورلي على حاجة مخصوص ولا ساعدني في التفاوض على السعر. وصلني بالمالك فقط لا غير وانا كملت باقي الاجراءات بمعرفة محامي اخد مني ٧ الاف جنية.

لو مكاني ايه الترضية المناسبة؟ تدفعله كام؟