في حد اتعرف عليا عن طريق صديقي شافني في فرحه و كلمه انه حابب يتعرف عليا بنية انه ان شاء الله يبقا في حاجة و الجو دا (دا بناءا على كلام صديقي ليا لما بلغني)
بالفعل لقيته بعت فولو و اتكلمنا شوية و الراجل لذيذ و محترم
عدينا رمضان و العيد لحد النهارده اهو تقريبا خرجنا تلت مرات، حنا تقريبا بنتكلم من شهر 2
المشكلة في كل الكلام دا انه انا حاسة انه معندوش فضول تجاهي يعني مش حاسه انه حابب او عايز يعرف اي حاجة عني مش شايفه اي مبادره منه انه يع ف او بيسألني عن اي حاجة
كل كلامنا عباره عن هزار و يغلس عليا و نهزر و الجو دا سواء في التليفون او لما خرجنا
خرجنا النهارده روحنا لعبنا بولنج وبعدين اكلنا فا بقوله احكيلي اي حاجة قالي لا ما انا مبعرفش احكي انتي اسأليني عادي وانا هقولك. فا حسيت الي هو انا مش مذيعه و احنا في لقاء تلفيزيوني هنا احنا بنتعرف على بعض عادي
ولما قولتله اني حاسه اني معرفش عنه حاجة بصلي باستغراب جداا
وانا بردو مش عارفه ازاي اقدر اتعرف عليه اكتر وانا حاسه بصراحة انه المفروض هو الي يلييد الحوار او حتى على الاقل يبدأ بأي حاجة عشان يبقا في حوار و اعرف انا ابني عليه مثلا
بس الي باينلي انه مافيش اي انترست او فضول انا فعلا معرفش عنه حاجة و كنت حابه فعلا اعرفه اكتر
هل اتعامل انه خلاص احنا صحاب و احطه فريند زون ولا اعمل ايه