السلام عليكم، نتمنى تكونو كاملين بخير
من بعد ما خديت دبلوم BTS في تخصص Génie Mécanique et Productique دازت تقريباً عام، ولكن لحد الآن مازال ما لقيتش خدمة، رغم أنني دوزة بزاف ديال entretiens وخسرت فيهم فلوس وكذالك كيعيطو ليا بزاف ديال appels téléphoniques ولكن بدون نتيجة.
من الأول، كان الهدف ديالي من بعد الباك هو ندخل ل BTS باش نجيب نقاط مزيانين ونكمل ف cycle d’ingénieur، ولكن دازت المحاولة وما نجحتش ف concours. من بعد قلت على الأقل ندخل ل licence professionnelle، ولكن حتى هي ما تقبلتش فتا وحدة.
درت مجهود كبير فلغة الفرنسية هاد شي من بعد ما ساليت لقراية، وخسرت فلوس ولوقت و دوزت DELF B2 باش نفتح فرص أكثر، خصوصاً باش نكمل القراية ففرنسا. وتسجلت في campus france، ولكن رغم هادشي كامل كلهم ردو عليا غير ب refus.
دابا بصراحة وليت حاير وليك كنشوف غا ضبابة، وبديت كنحس أنني واقف بلا اتجاه واضح. حتى ولى كيجيني تفكير نبعد على اي حاجة عندها علاقة بلقراية، واخا ضيعت سنوات فيها، رغم أنني كنت دايماً كنقرا مزيان ومهتم بهاد المجال لي كنت كنقرا فيه.
إلى كان شي حد داز من نفس تجربة، أو عندو شي فكرة أو نصيحة (خدمة، تكوين، طريقة أخرى باش نكمل، أو حتى توجيه عام)، غادي نكون ممتن بزاف.
شكراً بزاف لأي واحد غادي ياخد الوقت باش يجاوب 🙏