اغلب البوستات يسالون عن عدد الساعات اللي لازم يدرسوهم ، او شلون لازم يدرسون ، ، عن نفسي درست باليوم 8 الى 6 ساعات ، غالبا اكمل دروس اليوتيوب والدورات الالكتروني ، وبعدها ارتاح باقي اليوم, انام نوم كامل واعيش طبيعي ، بس بالشهريات جنت اراجع للامتحان بوقت راحتي واخذ المحاضرات طبيعي ، .
ضروري تمشي بجدول ثابت ومستمر ، بس مريح الك بنفس الوقت ، بعد نصف السنه تعبت جدا بسبب نصف السنه وامتحانات الاساتذه الشامله قبل نص السنه و ضغطهم ،واكبر خطا سويته اني مااخذت استراحه .
هذا الشي خلاني ادرس واسخت بدل ماارتاح بشكل تام خارج وقت الدراسه وادرس بشكل تام داخل وقت الدراسه ، والموضوع خلاني مااضبط اغلب مواد الكورس الثاني رغم معدلي بنصف السنه 90 .
وحاليا بسبب انحرافي عن الجدول المرتب و بسبب الضغط الزايد لازم اعوض هواي بالمراجعه حتى اجيب المعدل المطلوب مني
edit/ نسيت احجي عن شوكت تبدي ، الافضل تبدي بالشهر السادس ، تكدر تبدي ب جم ماده وتعيف جم ماده تبدي بيهن بعدين بس المهم الشهر الثامن تكون بادي بكلشي ، كلما تمشي ب استمراريه اكثر كلما تقل حاجه انك تتعب نفسك حتى تعوض بعدين
المختصر المفيد: ادرس كد محاضراتك ومراجعتهن والواجبات اغلب الايام ،بس بنهايه الاسبوع راجع محاضرات الاسبوع وبالشهريات وبنصف السنه راجع الافصل العليك . لتسخت بالساعات المخطط تدرس بيهن ولتدرس بوقت الراحه ، من تحس واهسك انتهى بعد فتره ضغط طويله ضروري تغلس عالمدرسين وترتاح اسبوع او نص اسبوع ، بس هاي لتسويها غير مرتين بالسنه ، النوم الكافي حيقوي ذاكرتك هواي والنوم القليل حيسوي العكس