u/Cool-Bullfrog3366

اني طالبة ما احتاجيت من قبل اشوف يوتيوب فقط بالعربي او استخدم ملزمة لذلك ما جاي اعرف على منو ادرس للسادس وشنو الملازم الزينة .

ف مبدئيا عندي كم سوال .

منو افضل حيدر وليد لو حيدر عبدالائمة كملازم؟ لان اريد اقره محاضرات على رعد ابراهيم .

بالنسبة للكيمياء شنو الاراء حول هاشم الغرباوي ؟ واذا مو افضل خيار منو اكدر اعتمد عليه

الفيزياء هواي يمدحون بحسين محمد بالنسبة لملزمته بنفس الجودة والنموذجية ؟

بالنسبة للأحياء اذا اعتمد على قرائتي الشخصية بدون شرح عدا عن الافصل الي تحتاج شرح هل هو قرار جيد ؟

اني قوية بالانجليزي عادي اتركه ويا الدوام ؟

الادب والإسلامية تحتاج ملازم واذا تحتاج شنو افضل الملازم ؟

بالنسبة للعربي اريد مدرس شارح المنهج كامل على اليوتيوب + اكدر اعتمد على محاضرات د٢٥ بمادة العربي؟ هل عمار السلامي خيار جيد علما اني اقره عليه دائماً

واذا عدكم توصيات او نصائح بعيد عن الأسئلة تفضلوا بطرحها بس رجاءا اذا المدرس الي تريد تقترحه مسوي الفصل ٣٠ حلقة ام الساعة لا تعب نفسك.