كيفاش نلقى فين نسكن في صفاقس العزيزة الغالية
عندي 5 اشهر نلوج فين نسكن في صفاقس و حرفيا عجزت على ايجاد حل مناسب.
في البداية قلت نسكن وحدي تو نلقى ستيديو صغير على قدي حتى بيت و كوجينة كهو يكون قريب لوسط البلاد فين نخدم لكن ما راعني الا انو لقيت روحي نطلب في المستحيل تقريبا. 99% من شقق وسط البلاد باختلاف مكوناتها و مواقعها يا اما معدة للكراء بالليلة او كاريينها للحاكم و للجيش و تلقاه بالاص كامل يغلي بالسهريات و القعدات.
برا قلت نلوج البرا شوية من البلاد كيما نقولو كلم1 في اي طريق. بكلهم للكراء بالليلة ولا ديار كبيرة.
نزيد نبعد شوية نلقى كريات في حوم شعبية ما نعرفهاش و ما انجمش نطمان فيها وحدي.
مشكلة حقيقية ظهرتلي بالرغم الجميع يؤكد لي صفاقس بلاد مرفقة و تنجم تعيش بالقليل.
شكون عندو فكرة ينجم يعاون بيها ولا يعرف ستيديو صغير لشخص واحد في مكان آمن سواء بالأثاث أو بدونه؟ أو يعرف واحد كاري وحدو و عندو بيت فاضية يحب شكون معاه اما راني رافض بالمطلق بيت مشتركة او نكري بيت وسط دار و تبقى كوجينة و توالات مشتركة.
انتهت حلول الارض توا مزال كان ريديت هاو نجربو. بالله اي سمسار يقرى في البوست متاعي يتجاوز و يتعدى على نفسو لأني منيش ناقص سماسرة في حياتي يتحيلو عليا. راسي شاب منكم.