طلب نصيحه
انا المفروض عندي امتحانات بداية من يوم الاربع الجاي دا بس انا عندي مشكله، أنا حرفيا ٢٤ ساعة ماسكة الفون و مش بسيبه غير مثلا لو أنا ف درس و اوقات بستخدمه ف الدرس كمان أنا أول مره دا يحصلي خصوصا اني كنت متفوقه جدا ف الترم و السنين الي فاتت يعني أنا الترم الي فات واخده المركز الاول ف مسابقه اوائل الطلبه و السنة الي قبلها خدت المركز الاول علي الإدارة التعليمية ف مسابقة اوائل الطلبه برضو و علطول شهادات تقدير و جوائز وكدا أنا بجد مش عارفه ايه الي حصلي الترم دا انا بجد بقيت مشتته مش بعمل حاجه غير اني بسكرول بلا هدف و برضو مشكله كمان أن اهلي طايرين بيا بجد يعني بنتنا شاطره و متفوقه وبتاع و انا معروفه ف العموم سواء وسط اصحابي أو عيلتي اني كدا ف أنا بجد مش عارفه اعمل ايه و مش لميت حاجه و حاسة اني نسيت كل حاجه..اسفه لو طولت عليكم بس بجد أنا تعبت من نفسي