u/BurnedtoasterXD

السلام عليكم انا طالبة ان شاء اللّه ماباقي شي واتخرج ...
انا من زمان كان خاطري طب، موبس كاسم... لا، كنت أحب الأحياء وابا أفهم جسم الإنسان بشكل اعمق ، نفس اللي يدرسونه طلبة الطب. كان هذا حلمي بس مع الوقت بديت أفكر بطريقة واقعية
أكثر... أنا بنت، وابا اعرس، ابا أكون أسرة، وابا أعيش شبابي مب كله دراسة وضغط وسهر.
أشوف اللي حولي يسافرون، يطلعون كوفي الصبح، يشترون أشياء حلوة، يعيشون حياتهم... وأنا بعد خاطري هالشي. ما ابا أوصل آخر العشرينات وأنا توّي أخلص دراسة وأبدأ من الصفر. ابا أكون
مكوّنة حياتي المادية من وقت، أشتري اللي أباه بدون ما أحسب كل درهم، أسافر، أعيش، أستانس... وودي أشتري سيارة وأنا بعدني في العشرينات، مو أتريا سنين.
عشان جي اخترت الصيدلة الإكلينيكية. بعدها في المجال الصحي، وقريبة من الشي اللي احبه، بس ما تاخذ نفس سنين الطب. حسيت إنها حل وسط... أرضي فيها شغفي شوي وأعطي نفسي فرصة اعيش حياتي.
بس المشكلة؟ إني للحين بين فترة وفترة أرجع أفكر... "شو لو دخلت طب؟ شو لو هذا كان حلمي الحقيقي؟" خوفاً من الندم.
.يا اني اضحي شغفي وحبي للإحياء عشان ارضي نفسي وأكونها وماعيش بضغط وتعب واحقق حلم من احلامي وهو تكوين الاسرة ومسيرتي المهنية من وقت نفس ما ذكرت قبل.
حابه نصايحكم يا جماعة لللي مجرب ، واللي له راي في الموضوع ، واللي شاف.
طبعا في النهاية انا بستخير قبل كل شي لأنه سبحان الله يمكن مو مكتوب لي بس حابه اشوف ارائكم اتمنى تفيدوني 🙏🏼