كنت محتاج اطبع كام حاجة و عايز أعرف لو حد هنا عنده برينتر و بيطبع بسعر حنين علشان الحالة يدوب

انا الاخ الكبير و اخويا واقع فى مشكلة كبيرة و هو غلطان الحقيقة ف الموضوع بيكبر و صحاب المشكلة جم البيت علشان عايزين يقابلوا بابا

عايز افتح الموضوع مع والدي و خايف يجراله حاجة او مش عارف ممكن يعمل ايه فيه/فينا

فى نفس الوقت هو عصبي جدا جدا و اصلا الفترة اللى فاتت كان في بينا كلنا مشاكل

اتصرف ازاى محتاج رأيكم بكل امانة و بسرعة علشان هو لازم خلال بكرة يكون عارف

EDIT: معلش و الله يجدعان و الله انا اللى غلطان ، انا بس دماغي مسوحاني من ساعة ما عرفت

باختصار الموضوع انه اخويا ابتدى انه قال لواحد ماشي مع واحدة استرجل ف الراجل قرر يفشخه هو و صحابه اللى معاه ف واحد من صحابه(هم مش صحاب هم لمة وسخة معرفش اتلموا على بعض ليه و ازاى) خد طوبة و اتكسرت على دماغه و تليفونه اتسرق فى الخناقة و حاليا الواد دة جاي عايز فلوس تمن التليفون اللى اتسرق منه و هو بيدافع عن اخويا المحترم

هو جاي يقولنا انا عايز الفلوس علشان انا عارف انه اخوك معاه فلوس علشان شغال شمال و بيسمسر مع العيال اللى عايزة تشتري فيب و مطاوي

ف القنبلة هنا انه ابويا اصلا بيتعصب من اقل شيء و عاملين مشاكل الدنيا و مسك اخويا دة عجنه قبل كدة علشان بس حلق حلاقة موليت ولا مش فاكر ايه و احنا فعلا ناس محترمين اوي و برستيج و قاعدين فى حتة محترمة و عيلة لا غبار عليها يعني من ناحية الادب و الاخلاق ف تخيل لما واحد يجييله يقوله ابنك بيتعامل مع فيب و مطاوي

العيال دي جت عندنا البيت و انا اصلا ابويا مسافر و عايزين ياخدوا رقمه و انا مش عارف ممكن يقولوا ايه و مايقولوش ايه ف ابويا معرفش رد فعله ايه

فى الاخر انا عرفت اخد رقم ابو الولد اللى جالنا و عايز اكلمه بس مش عارف ابتدي اقول ايه ، بفكر اديه رقم بابا و هم يتعاملوا مع بعض