على سيرة قدحة لينكدان فيه موضوع قاعده أفكر فيه من فترة .. شركتنا مملوكة للصندوق وارسلوا لنا تاسك فورس HR دايركتر فرنسية عمرها 27 والHR مانجر السعودية اللي عندنا خمسينينية عطوها مسمى الدايركتر قبل كم شهر بالمووووت والاذلال لان سووا إنترفيروز كثير ومحد رضى بالبكج الا المانجر اللي عندنا لانها ميته عالمسمى السعودية ذي تشتغل في الاندستري من لما كانت جامعية انتوا متخيلين ووصلت دايركتر بالموووت! والفرنسية تقول بعد تخرجها اخذت قاب يير لفت العالم ما دخلت سوق العمل على طول..فيه مقوله ان السعودي ينافس شعوب الارض ليحصل على وظيفة لا حبيبي انت ماتنافس احد انت خارج المعادله انت دخيل على سوق عمل قوانينه ، مميزاته،ثقافته مصممه لهم بالدرجة الاولى هم يجون فريش قراد وأحلى المسميات والرواتب تعطى لهم على طبق من ذهب وانت تفحط في برامج التدريب وتمهير وتجيك إذا كنت محظوظ او عمرك يروح على وظايف محلات التجزئة والباريستا واذا كنت محظوظ اكثثر وخذيت مسمى كويس في شركة يخلونك تفحط سنييييين في نفس المسمى لانهم يشوفون انهم متفضلين عليك لانك احسن من الوضع الراهن والنمطي للعنصر الوطني في سوق العمل واللي هو انه مستضعف في سوق عمل بلده.
حطيت البوست في Saudi professionals وانحذف على طول زياده على الوضع السيء جزء كبير من السعوديين عندهم ضعافة ويتحسسون من مناقشة الموضوع