(لحد يسب تكفون يعني طبيعي ماكتبت الا اني ادور حل)
اول شي انا اهلي مره مره ملتزمين بالدين ف انا كيف طلعت كذا ماني فاهمه؟
اتذكر من كنت صغيره برابع ابتدائي كنت احيانا اسحب على الصلاه ثم يجيني تأنيب ضمير واقول لنفسي خلاص من اليوم بصير اصلي، واستمر كم يوم واوقف
واكيد امي كانت ملاحظه هذا الشي من يوم انا صغيره تحاول فيني مره اصلي بس للاسف كنت اصلي بس قدامها وحتى احيانا اروح غرفه ثانيه افرش السجاده بس عشان تحس اني صليت
والله امي ابدا ماوقفت فيني بس كبرت وصلت للعشرين وانا على نفس حالتي.
حتى ماعاد صار يجيني تأنيب ضمير عشان اكون صريحه، ماحس الدين شي اساسي بالنسبه لي ابدا.
بس لمن دخلت الجامعه واشوف كل احد حواليني فعلا يصلي مب عشان احد جالس يطالعه و مب عشان احد جالس فوق راسه يقوله صلي مره احزّن على نفسي واحزّن على اهلي اكثر.
الغريب بالموضوع مافيه اي احد بمحيطي زيي والله مدري وش المشكله:( حتى اصحابي كلهم الدين شي مهم بالنسبه لهم ف الموضوع مو جاي من اصحابي.
دايم افكر ان صدق انا ودي اكون زي الي حولي ودي اصير مؤمنه ان فعلا الصلاة والدين شي مهم لكن جد احس بداخلي خلاص ماني مقتنعه ابدا كيف ممكن اقنع نفسي؟
مره ودي بيوم اقدر اصلي وانا فعلا ابي اصلي ومقتنعه ١٠٠٪ بديني، بليز هل فيه احد مر بتجربه مشابهه؟ احتاج مساعده:) متاكده فيه اشخاص ثانين ممكن يستفيدون بعد.
ابوي بالحرف الواحد يقولي وش بنسوي يوم القيامه اذا ربي حاسبنا.. فل تأنيب ضمير.