u/BlueFlag281

القط بتاعي اسمه اوطجي أنا جيباه من ساعت ما كان لسا صغير اوي المهم هو دلوقتي عنده سنة و نص طول السنة و نص دول لاحظت عليه حاجات غريبة اوي يعني أنا لما ابقى ماسكة الموبايل مثلا و ريل ميعجبوش يقوم يعمل سكرول مثلا لما احميه يقوم يقفل الماية من الحنفية و الموضوع دا كان في البداية و قولت عادي بس مش العادي أنه وصل لدرجة أنه بقى بيحاول أنه يقف و يمشي زي البني ادمين و بيعمل كدا بالذات لما كلو يبقى نايم و في مرة الجرس بتاع البيت رن لقيته جاب كرسي بلاستيك كدا بيبقى جمب الباب و طلع فوقيه و بيبص في العين السحرية يشوف مين برا و في مرة كان عطشان لقيته قام جاب العلبة اللي بحطله فيها ماية و يفتح الحنفية يمليها و يقفلها تاني دا غير أنه بيخش الحمام لوحده و بيدق على الباب قبل ما يخش و كل دا من غير ما أعلمه اي حاجة اصلا من الحاجات دي هل دا طبيعي !!!

انا مسلمة و ملتزمة الحمدلله و بصلي بس انا لما حبيت اني اتعمق في الدين شوية عشان ميكونش فكري سطحي عن دينا جه سؤال في بالي ، لية ربنا رغم أنه حرم عبادة الأصنام و شرب الخمر و الميسر على الرغم انها كانت حاجات متعارفة وقتها و معتاد عليها في كل العالم بس محرمش أن واحدة تبقى جارية أو العبودية و انا عارفه أن دا كان نظام العالم وقتها بس في نفس الوقت الخمر و عبادة الأصنام كانت شيء أساسي برضو في العالم