​
واحد قريبي كان عرض عليا اني ابدا ادي دروس لمادة برمجة لأولى ثانوي ، على اساس فكرة اننا في قرية ومفيش لحد دلوقتي مدرس وكده و الطلبة اللي هوا يعرفهم (هوا فاتح مكتبة قدام مدرسة ثانوي ف هوا بيقابل الطلاب كتير وكده وقالو انهم مش عارف يعملو ايه في المادة دي ) وانا المفروض اول واحد يجي في باله وكده ،مع اني شاكر انه اول حد يفكر فيها لكن اصلا في حاسبات سنة تانية ، وبرضو انا مش عارف هل هعرف اشرح كويس و اوصل المعلومة بشكل حلو وكده و هما هيفهموا مني وكده (مش عاوز اعمل الموضوع سبوبة وخلاص )
و برضو هل حد هيوافق ياخد مع حد يعتبر قريب من عمره وكده وبرضو رأي الأهلي وكده
برضو حاجة تانية انا مش عنتيل في الكلية ولا حاجة انا الحمدلله مستور ف مش هقول انا احسن واحد عندنا ممكن يدي درس انا متأكد في ناس احسن مني ( مش عاوز اقلل من نفسي اكتر من كده لكن بحاول اكون واقعي )
انا كنت قررت اني هاخد كل حاجة تيجي قدامي واتعلم من الاخطاء وكده بس خايف اظلم الطلبة معايا لو معرفتش اشرح كويس او اكون قد المسؤولية.
اتمنى ارائك