u/BaderBigcall

ليش غلطان؟ اقولك خل نبدا بنسبه البطاله:
اولا النسبه ذي اول شي غير معرف طرق حسابها وولانشروا طرقهم في حسابها وهذي عدم شفافيه منهم.

ثانيا ياخي كون اني موظف موب معناه خلاص سكتني وان عداك العيب لا ياخي وظفني في مكاني المناسب حسب خبراتي المناسبه موب والله عشان الله حدني اشتغل باريستا(قهوجي) او اوبر او فريلانس زبال (وانا معي بكالوريوس او ماستر) الوظيفه الغير مناسبه هي غلط اقل من العطاله ولاكنها لاتزال غلط.

ثالثا يامسلم لاتدعي ان المنافسه عاليه وان الخريجين كثير وانت وجوداك وبعدين تديور علي وتتحجج بتوظيف اغلبيه اجنبيه بشح الخبرات لان هذا تناقض ياتقول نعم عندنا نقص في الخبرات فا تكون طالب خبرات محليه وتقبل بالهبل بغض النظر عن الخبره الدقيقه(لان فيه شح) او تقول لا والله متشبعين ونبي الصفوه وهنا المفروض انك ماتوظف اجانب لانك متشبع.

رابعا المشكله الكبرى حاليا ميب القديه القديه هي الشراره بس المشكله الكبيره انك فاك الباب على مصراعيه لكل القطاع الخاص انه يستقدم على راحته والقطاع موب ملزوم يوظف مواطنين اذا والله بيجيب مصري ولابنقالي بربع الراتب وبيداوم ١٢ ساعه وبينطم اذا ماعطيته راتبه شهرين. واذا والله صالو عليك قمت وطنت قطاع بنسبه معينه يعني خلاص اسكتوا بنخلي هالوظيفه حكر لكم بنسبه ٢٠٪؜ وهنا تطيح بمشكله السعوده الي تحرمك من الخبرات الوطنيه لان الشركه بتوظفني باقل راتب واقل مسؤليات عشان تسكتك يا الحكومه.

خامسا انت وراك مستعجل فيك عجلتن ميب الا فيك تقول ربي ملهمك انك بتصير افقر من صوماليا في غضون ٢٠سنه وجالس تحررررق فلوووس في كل قطاع وجالس تعطي الي يسوى والي مايسوى وتطرد ورا العناوين الرنانه من الذكاء الصناعي والسياحه وصناعة السيارات. (ما اقول ان هالقطاعات غلط الصرف فيها ولاكن استراتيحيتك فيها استراتيجيه مخيسه وجالس تختار الخيار الي يكلفك سبحان الله.

سادسا نعود للقديه شوي مسالة ان موظفي القديه الاكثر هم بريطانيين بعدين سعوديين بعدين عاد وزع الباقي على باقي الجنسيات هنا انت وش قاعد تسوي حتى حجه ان والله اغلب الموضفين من الحرفيين والبنائين معاد تمشي معك وش انت شايف في البريطانيين زود عن السعوديين؟ خبره؟ طيب حبيبي اقل شي جيب ناس سنعه جب امريكان ولا يابانيين ولا المان موب تحيب لي جنسيه باليالله تنفع دولتها.

سابعا ياقلبوا لك تقريبا عشر سنين وانت تبتعث مواطنيك وقبلك عبدالله كل هالاجيال ماكفوك؟ ماعندهم خبره؟ فوق العشرين سنه والاف المبتعثين ماعبو العجز؟ طيب نقول جدلا ماعبوه وانك تبي زود. اجل وراك ساحب عليهم وتتشرط في تمهير وتاهيل الخريجين (لا انا ابي معدل ٤ وفوق وابي معه آيلتس ٧ وابي معه وجبة كنتاكي ويكون اصغر من ٢٥ ويكون حليق حذيق حاد البريق) يعني شي غريب يتشرط كانه واحد شبعان كفائات واذا شفت توظيفه تقول ذا شعبه بس ٢ مليون رغم ان تعداده السكاني مقارب للسويد ولا النرويج وولا شفتهم مسوين زيك ولا يصايحون زيك.

ثامنا لاتجحد ياخي على الاقل اصدق وقل شوفوا يا اخوان انا عندي كذا مصلحه بتتضرر لو سويت الشي الصح فا تحملوا تكفون وهاه هذا برنامج تمهير براتب ثلاث الاف يسكتك تسع شهور وش تبي بعد👍😉.

انا بديت بالبطاله بس وكتبت معروض فا اتوقع يسدكم كذا لين بعدين.