يجماعة انا ليا حساب غير ده وكنت نزلت بوست بتكلم عن ان فيه مشكلة اجتماعية في مجتمعنا وانتشار عرسان الجنة وهمجيتهم واختفاء الرقي والتعامل العقلاني ما بين الناس منها بس مديرين الصب بالإضافة لعدد من الناس بتوع انت كده بتسئ للبلد ومش عارف ايه أدوني بند وبلاغات والبوست اتمسح وانا خدت بند من ريديت عموما بعد ما خدت بند من الصب ده اللي كان اسمه ايجبت
عايز اعرف بالله هو ده عادي والا انا حظي نفسه مش حلو او ابعد نهائي عن الناس منزلش الشارع ولا احتك بحد يمكن ده يكون السبب
النهاردة من شوية كنت بصلي الجمعة في مسجد جنبي لكن مبصليش فيه كتير بصلي في واحد تاني وقولت أما اجرب اروح اصلي فيه
المهم وانا بصلي بقوم من السجود بسرعة فخبطت واحد ورايا جامد اوي بضهري فاتوترت جامد خفت يكون حصوله حاجة والا خبطته في مناخيره تنزف وبتاع والا ايه حاجة ، وقولت هخلص وأشوف مين عيل والا راجل والا ايه واعتذر له خصوصا أن ورايا بيصلي كبار السن على الكراسي فقولت بس ده هيطلع كبير سن وكارثة ، خلصت ورضيت ورايا لقيت تلاتة صنايعية فبقولهم ومراسم بود انا خبطت حد منكم ؟ فواحد منهم راح خبطني في أيدي بطريقة مش ودية أو عارف انت اللي هو فكك يعني وقالي فيها ايه يعني وباصصلي كأنه عايز يتخانق ومشي وطلعت خبطت اللي جنبه فطلع عنده مشكلة في النطق وبيتكلم بالعافية فبيقولي فيها ايه بالعافية ومكنش قصدي بخناق برضو ، أما اللي جنبه ففهم قصدي يعني وكان مبتسم بود وقالي مكنش قصده فبقوله ده انا اللي خابطه عموما معلش مش مقصودة وقمنا مشينا بس وانا مصدوم من الموقف ، وبتتكرر معايا مواقف زي كده مفيهاش ذوق ولا احترام ولا عقل ومنطق حتى هل ده بيحصل مع حد بالله والا اريح دماغي واقضي حياتي بعيد عن البشر وانسى البلد ديه باللي فيها واسافر اشوف دولة تناسب شخصيتي اكتر (أقدر اعمل كده) وانسى بقى احلام العصاري بتاعت مصر محتاجانا وعايزين ننهض بمصر
وكمان شوفت فيديو الواد اللي رابط بني آدم فيعني هل حد عنده رأي عشان انا قربت اتجنن والصدمة لسه مأثرة فيا