كيف كانت تجربتكم مع أصعب امتحان امتحنتوه؟
بالمدرسة بالجامعة بالمعهد بنشاط بدورة تعليمية، اي شي
بالنسبة لي كان رياضيات بالمدرسة
وقفت شوي اتأمل الورقة، لعنت حياتي ونفسي وتمنيت ما أنخلقت ولا شفت ضو الشمس
بعدين شفت العصافير من الشباك وحسدتهم حسد
وأفكاري الفلسفية الكئيبة هاجمتني
وبدأت احاول اهبد بالأجابات بس من قوة صعوبة الأختبار ما قدرت أهبد ولا عرفت اسوي شي
أحرك يدي بجاوب، وأتراجع مافي شي أحله
لفيت اشوف الي يختبروا معي اللاقيهم منهارين
زميلتي تبكي وتتوسل للمراقبة تجيب اي حد فاهم رياضيات يشرح لها الأسئلة
البكاء معدي فصارت نص اللجنة تبكي وحصل أنهيار جماعي
اصوات بكاء وصراخ وطقطقه من بعيد حسيتها كلها اصوات خلفية
الورقة قدامي بدون حل والعصفور الكريه لا يزال موجود
قررت استسلم وأنام ، صحيت والمراقبة تقول باقي عشر دقائق حليت كذا بدون اي تفكير كنت اشوف الأرقام الي تبان حلوه واختارها، انسحبت الورقة
لما خرجت لاقيتهم قاعدين يتناقشوا عن الأختبار ويحاولوا يسحبوني اقولهم وش حليت، سويت مجنونه وهربت
التيتشر من بعيد تناديني اقولها كيف كان الأختبار
مدري كيف لها عين، أشرت لها بيدي انه ما بجي فكيني فكيني فكيني فكيني اكرهك اكرهك
وصلت البيت اخذت اطول شاور بحياتي ونمت وتمنيت ما أصحى
جبت 60/100
الي يقهر اني ذاكرت ومنجد ذاكرت سويت كل الي اقدر عليه وكنت متأكده بجيب فل مارك، وحليت نماذج اسئلة كثيرة
اكتشفت ان الجهد ما يعني بالضرورة حتمية الوصول ، وهذي فائدة تجربتي وشكرن 🥀
+ صار عندي تروما من الأرقام