انا 20 سنه وابويا وامي منفصلين بسبب معاملته السيئه وخيانته لامي ووقتها انا وقفت مع امي علشان كانت مظلومه ومن حقها تنفصل عن شخص مؤذي زيه وهو قاطعني انا واخواتي فتره بسبب اننا مساعدناهوش انه يرجع لامي ومعرفش هنعملها ازاي اصلا لانها اختارت خلاص وليها الحق في كدا المهم ابويا بيدقق معانا اوي اوي في المصاريف وحرفيا الفلوس مش بتكفينا خالص ديما بتخلص قبل الشهر ب اسبوع ويادوب اساسيات الحياه يعني مش بصرف في خروجات او سجاير او او انا اصلا مش بخرج من بيتنا بسبب الموضوع دا بخرج مع صحابي مره كل شهرين يمكن وكل ما بطلب منه اي فلوس لاي حاجه بيصدني ب اي حجه ولما كان مقاطعنا مدفعليش فلوس الجامعه ومصرفش علينا شهور حتى بعد ما علاقتنا رجعت تاني احتجت مبلغ ومش كبير وقالي لا لانه شايف انه ملوش دعوه .اللي هو طب ازاي انا محتاج مبلغ ومزنوق فيه وانا ابنك يعني والفكره انه مش بخيل او مش مقتدر انا معرفش بيقبض كام بالظبط بس عارف انه بيعمل مبلغ يعيشنا كويس ع الاقل لو زودنا الفين تلاته مش هيأثر ومتأكد من كدا
ناس هتقولي ما انت كبير وانزل اشتغل. دورت على شغل ولقيت اني هقبض 5000 و10 ساعات ف الفلوس حرفيا هتخلص مواصلات ووجبه مش هيتبقا غير الف ولا الفين ف مش جايبه همها غير اني في كليه صعبه وبزاكر وبشتغل اونلاين وعملت فلوس فعلا بس كلها اتصرفت ف اني اجبلي هدوم ومش كتير واحط في البيت فلوس كل شهر وبقالي شهرين مش بييجي شغل. ومن ساعه لما احتجت فلوس قبل كدا وهو بيرفض وبيحسسني اني مينفعش اعمل كدا وانا حلفت عمري ما هطلب منه جنيه لو هموت من الجوع
بس مش عارف بجد اتصرف ازاي
هل اقوله واقوله ايه اصلا لان بحس انه عايز يذلنا وعايزني اقوله هات عشان يكسر عيني