u/AltruisticCandle6953

هلووو يا جماعة انا ٢٣ سنة من القاهرة

انا لاديني من ٤ سنين خلفية مسلمة متخرج وبشتغل بحب الخروج واني اكتشف اماكن جديدة وحلوة وبحب البادل والجيم واللغات

بحب الروك في الاغاني والكوميدي والفلسفي او السيكولوجي في ال shows w el animes

(حاليا بتعلم الماني هيدا b1)

لو حد حابب نتكلم مع بعض عموما بالالماني ونشجع بعض عاللغة يبعتلي

انا بحب اسمع الناس اوووي واعرف تجاربهم وبحب الكلام جدا وطيب وعشان متقولوش بقول مميزات بس انا عندي عيب اني emotional حبتين

مهتم اتعرف علي بنت شبهي بس نبدا كصحاب عادي ولو لقينا نفسنا شبه بعض ومناسبين لبعض نبقي نفكر بقي في حاجة تانية

كان في بنت اعرفها وكان في مشاعر ما بينا وبعدين حكتلها حاجات عني والحاجات دي مكانتش مناسبة ليها واتفقنا مبقي صحاب وحاولت انا ابقي تمام مع كدة مع اننا نبقي صحاب بس حاسس اني مش عارف وندمان اني حكيت الحاجات دي مع ان من قبل ما احكي كنت بقول لاسباب تانية يعني (احساس اننا مش شبه بعض فحاجات) الافضل نبقي صحاب

بس كل ما بتجيب سيرة الحب او الارتباط واحس نفسي برة المعادلة بحس اني مضايق ومتعصب مش عارف ايه الصح يتعمل ومش عارف الوضع اللي انا فيه معصبني اوووي

الفكرة ان البعد عنها صعب عشان هي معايا في الكلية وكورسات وبشوفها كتير ومش عارف اعمل ايه