u/Alae1000

بغيت نحكي ليكم واحد الحاجة… بصراحة تصدمت منها بزاف، كتر من صدمة ديال عاودت الباك. المهم، كنت عطيت لبنت عمي واحد التليفون زايد كان عندنا فالدار، ومن بعد مدة رجعاتو ليا، ووليت كنستعملو أنا، خصوصاً باش نتفرج فالأفلام.

واحد النهار تيليشارجيت فيه Google Photos، ومنين دخلت ليه لقيت Gmail ديال بنت عمي مازال محلول. ومن بعد بديت كنشوف تصاور كيتشارجاو بوحدهم. أول تصويرة وثلاثة ديال الفيديوهات صدموني بزاف… حسّيت قلبي غادي يوقف. فداك التصويرة والفيديوهات شفتها مع واحد فواحد الحالة حميمية، وكانت عريانة. باش تعرفو، عمرها 22 عام.

هاد الشي خربق ليا أفكاري ومشاعري كاملين، ووليت ضايع ما عرفت ما ندير. حاس براسي كنحمل واحد السر تقيل بزاف، وما عرفت واش نقولها ليها ولا لا. كنخمم حتى فباها وخوها… وهاد الشي كيزيد يخلعني ويحيّرني. وباغي شي حل لهاد الوضع.