من حوالي سبع سنين بدأت أحس بالملل والفراغ وعدم الرغبة في أي شيء مبقتش بروح المدرسة ولا بخرج من البيت إطلاقا حتى وأنا في البيت مكنتش بقوم بأي نشاط غير إني على السرير أغلب الوقت بقلب في الموبايل بلا هدف أو بسمع أغاني عدت أيام كتير وأنا على نفس الحال خسرت كتير
كان عندي أحلام كتيرة جدا كلها ضاعت للأسف وأنا في السجن الطوعي دا ياريتني كنت في سجن بجد مكنتش هحس بكل الذنب دا يعني مفيش أسوأ للإنسان من أنه يكره نفسه
أحيانا بفكر يمكن لو مكنش متوفر عندي الحد الأدنى من مقومات الحياة مكنتش استمريت في الحالة دي يعني لو. كنت اتحاصرت او كان في خطر مباشر يهدد حياتي لربما كنت اقوى من كدا معرفش..
في الفترة الأخيرة بقيت بحس بوحدة بشكل قاتل عمري ما حسيت كدا حتى في طفولتي ..دلوقتي انا في تالتة ثانوي وطبعا مش هدخل الامتحانات لأن كانت رغبتي اني ادخل طب وبالمنظر دا ولا هلحق حتى معهد تزغيط البط
طبعا كلامي عبثي ومش مترتب لكني حسيت بالرغبة في اني اتكلم وخلاص ..لأول مرة في حياتي اتكلم عن نفسي مع حد غير امي ..
رجاء يا جماعة محدش ينصحني بأي نصيحة من اي نوع