أنا مش شخص فقيه بما فيه الكفاية اني أحدد حاجة زي كدا لكن كنت في نقاش مع شخص حوالين موضوع الخلفة واني شايفة ان الخلفة الكتير من اسباب هلاك شعبنا واني لما أتجوز بالكتير مش هخلف غير طفل واحد ربما طفلين خصوصًا في وقتنا الحالي اننا نطلع أطفال أسوياء من كل الجوانب بقى صعب جدا ومحتاج مجهود كبير ومسئولية "كلكم راعٍ وكلكم مسؤول عن رعيته" وبدأت اني اتكلم عن ازاي الهرم السكاني في مصر سيء جدًا مقارنة بالدول المتقدمة غير كدا ان كل اللي حواليا تقريبًا او معظمهم اقل حاجة بيخلفوا 4 أطفال وللأسف معظمهم بيعانوا نفسيًا وماديًا. ف الشخص قال ان كلامي حرام وان حرام اننا نحدد النسل يعني مثلا مينفعش لما اجي اتجوز اقول اني هخلف طفل او طفلين بس التنظيم مش حرام اننا مثلا نباعد كل 3 سنين او 6 او ايًا يكن عدد السنين بين الأطفال بس مينفعش نحدد, ف انا مكنتش متفقة أبدًا لكن لما بحثت لقيت ان الشيوخ كلهم بيقولوا ان لا مفروض ان النسل يكون كتير ونفس الكلام يعني اتكرر بس أنا قررت ابحث بنفسي أكتر ف حسيت ان في حاجات مش منطقية جدا في الكلام دا زي اني شايفة مثلا ان دا مش هيحافظ على الاسلام عددنا مش هيحافظ على اسلامنا وجود خمس أطفال غير سويين نفسيًا مش متوفر لهم الأمان وكل هذه الأشياء مش مفيد للدين على عكس وجود طفلين مثلًا سويين من كل الجوانب دي ايًا يكن وجدت الحديث دا "يُوشِكُ الأممُ أن تداعَى عليكم كما تداعَى الأكَلةُ إلى قصعتِها . فقال قائلٌ : ومن قلَّةٍ نحن يومئذٍ ؟ قال : بل أنتم يومئذٍ كثيرٌ ، ولكنَّكم غُثاءٌ كغُثاءِ السَّيلِ ، ولينزِعنَّ اللهُ من صدورِ عدوِّكم المهابةَ منكم ، وليقذِفَنَّ اللهُ في قلوبِكم الوهْنَ . فقال قائلٌ : يا رسولَ اللهِ ! وما الوهْنُ ؟ قال : حُبُّ الدُّنيا وكراهيةُ الموتِ" ف هنا الحديث بيؤكد على النقطة دي "فقالَ قائلٌ: "ومِن قلَّةٍ نحنُ يومئذٍ؟"، أي: هلْ يكونُ طَمعُهم واجتماعُهم على المسلمينَ لِقلَّةِ عدَدهِم؟ قالَ النبيُّ صلَّى اللهُ علَيهِ وسلَّم: "بلْ أنتمْ يومَئذٍ كَثيرٌ، ولكنَّكمْ غُثاءٌ كغُثاءِ السَّيلِ"، أي: يكونُ مَطمعُهم في المسلمينَ ليسَ لِقلَّةِ العَددِ- فإنَّ العددَ يكونُ كثيرًا ولكنْ لا نفعَ فيهِ ولا فائدةَ- ولكنْ لقِلَّةِ شَجاعتِهم وشدَّةِ تفرُّقِهم، وغُثاء السَّيلِ: ما يَطفو على ماءِ السَّيلِ مِن زَبدٍ وأوْساخٍ وفَقاقِيعَ."
بينما في الأدلة دي بيتم استخدمها ضد فكرة ان الشخص يكون عنده عدد محدد من الأطفال وأنا لا أعترض على ذلك أنا هدفي في النهاية اني بس افهم
""تزوجوا الودود الولود فإني مكاثر بكم الأمم""
قوله تعالى: {وَلَا تَقْتُلُوا أَوْلَادَكُمْ خَشْيَةَ إِمْلَاقٍ ۖ نَّحْنُ نَرْزُقُهُمْ وَإِيَّاكُمْ}.
اتمنى اي شخص ممكن يكون فاهم في اي حاجة من الحاجات دي او جه في باله السؤال دا يساعدني ويشرح لي وللمرة التانية انا مش بهاجم اي رأي انا بس بحاول أفهم ايه الصح في الدين