انا بعيده عن ربنا اوي
الفتره دي وحشه انا في تانيه قانوي و داخله على تالته انا جول عمري من صغري الناس بتشكر فيا و اخلاقي و كنت متدينه جدا و العامل الكبير انه بسبب اهلي متشددين
بس دلوفتي السنادي قولت اشد في رمضان عشان مبقتش انتظم في الصلاه خالص قبليها و قولت رمضان هدعي كتير و اطلع منه متغيره بس حرفيا العشر الاواخر من رمضان عملت فيهم مجهود قبل جدا من العبادات يعني حتى الصلاة مكنتش ملتزمه مع اني بدعي من صغري من و انا في تانيه اعدادي بس مش عارفه بردو
و عملت ذنوب كتير اوي في رمضان عمري ما كنت بقرب منها قبلها
فضلت ادعي كتير في رمضان ربنا يهديني و يثبتني و يثبتني في الصلاه بس محصلش بدات اقطع فتررات كبيره اوي عن زمان و مبقتش حاسه بالذنب اللي كنت بعمله صغير كبير كبائر مفيش اي احساس
و بحس ساعات اني عايزة ابقى لا دينيه و اسيب الاسلام
اغلب اصحابي اللي ملتزمين اللي كنت بحاول اصاحبهم عشان صحبه صالحه بامانه مش بيهمهم غير مصلحتهم و كانت تجربتي وحشه معاهم و حاليا هما اه كام واحده بس تجربه كانت وحشه و انا داخله تالته فمش هبقى فاضيه اكون صداقات جديده
بس الفتره اللي انا فيها دي مش عارفه ايه حلها بقيت بليده من اي حاجه حتى الدراسه مبقتش فارقه معايا و الامتحانات الاسبوع الجاي و انا مش عارفه غير اول درسين من كل ماده و اللي مخليني متطمنه انه معايا اعمال سنه هتعديني كدا كدا
بردو المشاكل العائليه ليها تاثير كبير عليا عشان اهلي منفصلين و في مشاكل كتير مع والدتي من صغيري ملهاش اخر و والدي عشان المصاريف بدات تزيد و الاسعار ولعت مبقاش يهتم زي زمان .
غير انه محدش من اهلي مهتم بدراستي خالص غيري كمستوى و مذاكره و دروس
انا طولت جامد معلش بس انا الفتره دي حاسه ان انا ضايعه و مش عارفه اعمل ايه خالص