u/3enabawy

انا لحد الان ما ارتبطتش قبل كدة ولا كلمت بنات

فكنت قاعد وسط صحابي وقعدو يهزروا معايا في حوار الارتباط ده لحد ما واحد منهم عزم عليا يظبطلي ديت وانا رفضت

ليه يعم كده؟ قلتله انا مليش في الكلام ده وعاوز واحدة محترمة ملهاش في الكلام بتاع الارتباط ونزول الديت الحاجات دي. انا عاوز واحدة عارفة دينها واخطبها من بيت ابوها

فمسكوني سف وتريقة وقعدوا يقولولي هتتغفل وينضحك عليك ومفيش واحدة ما كلمتش ولا صاحبت و هتفضل انت قافل على نفسك كدة لحد ما تاخد الخازوق

كلامهم ضايقني جدا ومن ساعتها الفكرة في دماغي اني انزل واجرب بس لازلت مقتنع برايي ان فيه بنات محترمة كتير عارفة ربنا ولو نزلت ديت وعملت الهبل ده وهو حرام فانا كدة ابقى منافق لما اقول من حقى ادور على واحدة محترمة

مش عارف ايه السبب هل ده مشكلة مني ولا انا اللي بتدلع بس انا بقيت زهقان من الحياة عموما ومش حاسس باي حاجة حلوة

بقيت مش حاسس باي لازمة او هدف او قيمة لاي حاجة انا بعملها مهما كانت صغيرة او كبيرة

طول الوقت حاسس اني تعبان ومضغوط وان فيه فراغ مش عارف املاه

وصلت لمرحلة اني بتفاوض مع نفسي عشان اعمل حتى البديهيات زي الصلاة

لا شغل ولا مذاكرة بقو بيحسسوني بالانجاز وحتى هواياتي مبقيتش طايقها

كنت بحب اللغات والرسم والافلام والجيم معديتش بستحمل اني اقرب لهم اصلا

طول الوقت تعبان بس مش تعب جسدي وغالبا بقضي اليوم راقد تحت الشمس بتفاوض مع نفسي اني اقوم اعمل حاجة حتى لو لعب او تسلية ومش قادر

.