فرصة حلوه لكن العرض أقل من المتوقع بـ كثير… محتار
السلام عليكم، ياخوان أنا في موقف حرج شوي.
صار لي متوظف تقريبًا سنة و٦ أشهر، وأشتغل في شركة تعتبر ستارت أب لكن لها اسمها بالسوق في مجالها، والحمد لله خلال سنة ترقيت داخليًا (بالتكليف مع التنسيق مع مديري المباشر وموافقة الـ HR) ولكن الى الان المسمى والراتب ماتغير.
اللي صار إنه من ٤ أشهر إلى الآن فيه تأخير، وأنا أعرف إن التأخير متعلق بكل الأمور المالية من ترقيات وزيادات وما له علاقة فيني شخصيًا.
الشاهد إن خلال هالفترة سويت عدة مقابلات، ومن ضمنها مقابلة بجهة شبه حكومية وحساسة، وإجراءاتهم أخذت وقت طويل، وخلال هالوقت التأخير عندنا مستمر.
الآن قدموا لي عرض وظيفي شفهي وطلبوا موافقتي المبدئية، لكن الإشكالية إن العرض كان على راتبي الحالي مع زيادة 20%، مع إني أعرف إن الزيادة المتوقعة عندنا تقريبًا40% مع الترقية والزيادة السنوية.
المكان مزاياهم جدًا ممتازة وودي أوافق على العرض، لكن منغبن شوي على الرقم كيف بينزل من 60-70% إلى 20%، ومع زيادات سنوية قليلة جدًا.
خايف تكون هالخطوة سيئة على مساري الوظيفي. حاولت أفاوض وأخذ وأعطي في الرقم، لكن كانوا يضغطون علي بموضوع المزايا الثانية وأنه بيكون أفضل لي، بينما أنا أعرف شخص رايح لنفس البوزشن بنفس المكان لكن بزيادة عن راتبي بـ 60% تقريبًا بحكم إنه أقدم بالسوق وراتبه الحالي أعلى.
شوروا علي الله ييسر أموركم، هل أفاوض وأطلب زيادة على ترقيتي اللي غالبًا بتتم هذا الشهر أو الشهر الجاي بالكثير؟ أو أقبل عشان ما تروح الفرصة؟