عرسان الجنة
كنت راكبة مواصلات لأول مرة من فترة طويلة وراكبة دائري وبليل لوحدي،المهم انا وبنت قاعدين جمب بعض ف جه يركب عريس جنة كدا حرفيا شكله عرص استغفر الله العظيم ومش مريح خالص بجد ف انا وهي بصينا لبعض عشان حسيناه ناوي يقعد جمبنا بس الحمد لله ساعتها السواق خلاه يرجع ورا عشان العربية فاضية وكدا المهم وهو داخل قرب وشه فشخ من البنت الي جمبي وقالها يبنت الفاجرة وعض شفايفه وركب ورا ولا اكنه عمل حاجة ف البت بصتلي حرفيا بتقولي هو ايه الي حصل دا وانا وهي مش مستوعبين قامت لفتله وقالتله انت بتشتم مين وبتاع وهو قعد يقولها انا جيت جمبك وانا كلمتك ف راح راجل ابن حلال قدامنا اتدخل وقالها قالك ايه قالتله الشتيمة ف مسكه فشخه حرفيا وقاله انت الي ابن ستين فاجرة وهانه وخلاه ينزل من العربية وقعدوا يهدوا فيا انا والبت حرفيا عشان مكانش في غيرنا بنتين اصلا واحنا الاتنين اعصابنا سابت حرفيا والبنت جالها بانيك اتاك وفضلنا نهدي في بعض بالعافية
بجد الي نفسي افهمه فعلا هو استفاد ايه بجد
انا فضلت منهارة طول الطريق بجد عشان ساكنة بعيد اوي وماشية مرعوبة وتكة وهعيط والبنت لما شافتني كدا وهي نفسها منهارة اصلا وصلتني لغايت العربية التانية الي كنت المفروض اركبها وبجد منهم لله اشباه الرجالة الي زي كدا